सोमबार, जेठ १३ २०७६ | Mon, May 27, 2019
नेपालको समय: १९:११ | UK Time: 14:26

एन्टा यूकेको नेतृत्व मास्टर वुद्धि गुरुङको कांधमा

विनेपाली
२०७५ चैत ३ गते १०:२५

लन्डन । अन्तर्राष्ट्रिय नेपाली तेक्वान्दो संघ युके (एन्टा युके) को दोस्रो अधिवेशनले नयां कार्यसमिति चयन गरेको छ । १६ मार्च २०१९ शनिबार ओजोन रेस्टुरेन्टमा सम्पन्न अधिवेशनले मास्टर बुद्धि गुरुङ छैटौं डानको नेतृत्वमा १९ सदस्यीय दोस्रो कार्यसमिति चयन गरेको हो । मास्टर थान कुमान लिम्बू र मास्टर जयन्त थापा उपाध्यक्षमा चयन भएका छन् भने महासचिवमा मास्टर नवराज घले,
 संस्थापक महासचिव मास्टर हयारी गुरुङ प्रवक्ता र मास्टर इष्ट तामाङ कोषाध्यक्षमा चयन भएका छन् ।

अधिवेशनले संस्थापक अध्यक्ष ग्रान्ड्मास्टर डा. एन जे गुरुङलाई सर्वसम्मत प्रमुख संरक्षकमा मनोनित गरेको छ । संस्थाका सल्लाहकारहरु भने अर्को बैठकमा चयन गरिने प्रवक्ता हयारी गुरुङले जानकारी दिए ।

एन्टा युकेको स्थापना गत २ जनवरी २०१२ का दिन २१ सदस्यीय कार्यसमितिसहित स्थापना गरिएको थियो । नेपाल तेक्वान्दो संघबाट स्वीकृत प्राप्त ‘अन्तर्राष्ट्रिय नेपाली तेक्वान्दो संघ’ को एउटा अन्तर्राष्ट्रिय च्याप्टरको रुपमा एन्टा युके विधिवत रुपमा स्थापना भएको हो ।

संस्थाले विगत ७ वर्षको अवधिमा विभिन्न खेलाडी र खेलकुद क्षेत्रमा लागेका जेहेन्दार विद्यार्थीहरुलाई हौसला र सहयोग पुरयाउदै आएको छ । हालसम्म एन्टा युकेमा आवद्ध ७ वटा तेक्वान्दो क्लवहरु संचालित भइरहेका छन् । यस वर्ष एन्टा युकेले गृष्मकालिन दुई वटा तेक्वान्दो सेमिनार गरि चितवनमा स्थापना हुने स्पोर्ट हलको लागि ‘च्यारिटी फर चितवन कबर्ट हल’ गर्ने निर्णय गरेको छ ।

प्रतिक्रिया

सम्बन्धित सामाग्री

फेसबुक