शनिबार, मंसिर २१ २०७६ | Sat, December 07, 2019
नेपालको समय: १७:१२ | UK Time: 11:27

बेलायती पासपोर्टमा ‘युरोपियन युनियन’ हटाइयो, यात्रामा फरक नपर्ने

विनेपाली
२०७५ चैत २२ गते २३:५५


लन्डन । बेलायत युरोपेली संघबाट बहिगर्मन (ब्रेक्जिट) 
प्रक्रिया लम्बिरहंदा यूके पासपोर्टमा भने ‘युरोपियन युनियन’ शब्द 
हटाइएको छ । गत ३० मार्चदेखि बरगन्डी रंगको पासपोर्ट कभरमा ‘युरोपियन युनियन’ हटाएर नयां बेलायती पासपोर्ट जारी हुन थालेका हुन् ।

बेलायत गत २९ मार्चमा इयूबाट अलग्गिने तालिका थियो । यही तालिकामा प्रक्रिया अगाडि बढ्ने अपेक्षामा ‘युरोपियन युनियन’ शब्द हटाइएको बीबीसीले जनाएको छ ।

गृह मन्त्रालय (होम अफिस) की प्रवक्ताले स्टकमा बांकी भइन्जेल केही समयका लागि ‘युरोपियन युनियन’ भएका राहदानी नै जारी गरिने जनाइन् । तर, उनले पासपोर्टमा ‘युरोपियन युनियन’ भएर वा नभएर ब्रिटिश नागरिकलाई यात्रामा कुनै फरक नपर्ने पनि प्रष्टयाइन् ।

उता, प्रधानमन्त्री टेरेजा मेले ब्रेक्जिट प्रक्रिया ३० जुनसम्म सार्न इयूलाई औपचारिक रुपमा अनुरोध गरेकी छन् । प्रधानमन्त्री मेले शुक्रबार एक पत्र लेख्दै ब्रेक्जिट समयसीमा बढाउन आग्रह गरेकी हुन् ।

प्रतिक्रिया

सम्बन्धित सामाग्री

फेसबुक