सोमबार, जेठ १३ २०७६ | Mon, May 27, 2019
नेपालको समय: १३:५३ | UK Time: 09:08

आऊ साथी विश्वको शिखर सगरमाथा हेर्न आऊ

कोमल मल्ल
२०७६ वैशाख ८ गते १२:३४

आउ तिमी आऊ, साथी संगिनी लिएर आऊ

मेरो देश सगरमाथाको देश हो

विश्वको शिखर सगरमाथा हेर्न आऊ

मेरो देश गौतम बुद्दको देश हो

शान्तिको स्वास फेर्न आऊ

आउ तिमी आऊ, साथी संगिनी लिएर आऊ

मेरो देश सगरमाथाको देश हो ।  

 

हिमालका हिउँहरुले

पहाडका भिरपाखाहरुले

तराईका फाटहरुले

आफ्नै भाषा, भेषभुषा, धर्म संस्कृतिका रंग छर्छन् 

छाङ्गा, झरना, नदीनालाहरुले प्यास मेट्छन् 

अमृतको मूल हो मेरो देश अभिषेक गर्न आऊ

आऊ तिमी आऊ, साथी संगिनी लिएर आऊ

मेरो देश सगरमाथाको देश हो

विश्वको शिखर सगरमाथा हेर्न आऊ ।  

 

कोईलीले गाउँदै 

डाँफे मुनालले नाच्दै

लालिगुरास घर आगनमा छरेर

वीर नेपालीहरुले स्वागत अभिनन्दन गर्छन् 

खप्तड, बेगनास, रारा, फेवाताल तलैया घुम्न आऊ

जडिबुटीको रानी हो मेरो देश 

पाईला पाईला पछ्याउदै

कस्तुरी, बाघ, गैडा हात्ति, चराचुरूङ्गीसंग रमाउदै

आ-आफ्नो धर्म संस्कृतिमा

मन्दिरै मन्दिरको देशमा

फरफर चन्द्र सूर्यको छहारीमा

तिमी सिम्रिकमा रंगिन आऊ

मेरो देश सगरमाथाको देश हो

आउ तिमी आऊ, साथी संगिनी लिएर 

विश्वको शिखर सगरमाथा हेर्न आऊ ।।  

(मल्ल नेपाली साहित्य विकास परिषद् यूकेका अध्यक्ष तथा नेपाल भ्रमण बर्ष २०२० उच्चस्तरिय मूल समिति, युकेको साहित्य समन्वय समिति संयोजक हुन्)

प्रतिक्रिया

सम्बन्धित सामाग्री

फेसबुक