शनिबार, साउन ४ २०७६ | Sat, July 20, 2019
नेपालको समय: १३:१७ | UK Time: 08:32

एनआरएनए यूकेको सह-कोषाध्यक्षमा बिमला लिम्बु आकांक्षी

विनेपाली
२०७६ असार ४ गते २१:१७


लन्डन । गैर आवासीय नेपाली संघ बेलायतको आगामी कार्यकालका लागि आकांक्षीहरु मैदानमा उत्रने क्रम शुरु भएको छ । यस पटक महिला आकांक्षीहरु पनि निर्वाचनमा होमिन उत्साहित देखिएका छन् ।

यसै सिलसिलामा एनआरएनए यूके वर्तमान कार्यसमिति सदस्य बिमला लिम्बुले सहकोषाध्यक्ष पदमा उम्मेदवारी दिने भएकी छन् । ‘हुन त मसंग प्रतिवद्धताका त्यस्ता चांग पनि छैनन् तर 
संस्थामा रहेर इमान्दारीपूर्वक काम गर्ने मेरो संकल्प छ’, उनले सुनाइन्, ‘दुई वर्ष संस्थामा काम गरेपछि यसबाट हासिल भएको अनुभव र अग्रजहरुको सल्लाह बमोजिम म सह-कोषाध्यक्ष पदमा उम्मेदवारी दिने निचोडमा पुगेकी हुं । संस्थाको हरहिसाव पारदर्शी राख्न म दत्तचित्त भएर लाग्नेछु ।’

एनआरएनए यूकेको गत निर्वाचनमा अत्यधिक मतले विजयी भएकी उनी हाल पांचथर थर्पू समाज यूकेकी कोषाध्यक्ष छन् । उनले फोनिज यूकेको सह-कोषाध्यक्ष भएर पनि काम गरिसकेकी छन् ।

पांचथर थर्पू समाजको अगुवाइमा पांचथरमा हालै निर्मित १८ लाख रुपैयां लागतको थर्पू क्याम्पस पुस्तकालय भवन सम्पन्न गर्न उनको उल्लेखनीय भूमिका थियो । लोकपाटी अनलाइनको युरोप कोअर्डिनेटर लिम्बु थर्पू माध्यमिक विद्यालयकी पूर्व शिक्षिका पनि हुन् । लिम्बुले त्रिभुवन विश्वविद्यालयबाट मनोविज्ञानमा स्नातक गरेकी छिन् भने हाल ओपन युनिभर्सिटीबाट मास्टर्स गरिरहेकी छिन् ।

प्रतिक्रिया

सम्बन्धित सामाग्री

फेसबुक