सोमबार, मंसिर २३ २०७६ | Mon, December 09, 2019
नेपालको समय: १४:२९ | UK Time: 08:44

प्यारो गाउँ ढोला

सरिता ढकाल
२०७६ साउन २६ गते २०:३३

वर्षौं कता हराइस् भनि रिसाएर घुरे झैं लाग्यो

असीम प्रेम छातीमा राखी मेरै बाटो कुरे झैँ लाग्यो

भौतिक उन्मादले शिखर चुमेको जुन ठाउँमा जाउँ

स्मृतिबाट ओझेल नपर्ने यो प्रिय गाउँ

मेरो यात्रा अधुरो यहाँ न घुमी

पूर्वजहरुले आर्जेको भूमि

चौतारीले नि चिने झैँ गरे,

बाटोले संगै हिंडे झैँ गरे

खेत खलियानले सुस्केरा हाले

चराचुरुंगी गीत गाउन थाले

बिन्दास बालापनको मिठो संगालो

बिछोडिएका आफन्तहरुको भावपूर्ण अँगालो

कृत्रिमतासंग उल्झदा थाकेको यो मन

गाउँलेको सरल र सहजपन

शहरका सुख मलिन भए, प्यारो त यही चुरे झैँ लाग्यो 

जन्म नै अर्कै पाए झैँ भयो, रोम रोममा उर्जा फुरे झैँ लाग्यो

डार्टफोर्ड, युके

(लामो समयपछि पुर्ख्यौली घर धादिंगको ढोला जाने मौका मिल्दा मनमा उब्जेका भावनाहरु)

प्रतिक्रिया

सम्बन्धित सामाग्री

फेसबुक