आइतबार, मंसिर २२ २०७६ | Sun, December 08, 2019
नेपालको समय: ००:५० | UK Time: 19:05

नृपेशको खुशीमा आइन् एलिना

विनेपाली
२०७६ साउन २७ गते २१:२२

लन्डन । बेलायतवासी गजलकार नृपेश उप्रेती एक पटक फेरि मिडियामा छाएका छन् । उप्रेतीको रचना तथा 
संगीत रहेको ‘तिम्रो खुशीमा’ को म्यूजिक भिडियो सार्वजनिक भएसंगै पत्रकार समेत रहेका उप्रेतीको चर्चा चुलिएको हो ।

‘तिम्रो खुशीमा’ गीत हाल केही चर्चित गीतहरुको कभर गाएर भाइरल बनेकी गायिका एलिना चौहानले गाएकी हुन् । ‘इन्स्टाको फोटो’ र ‘तिम्रो मायाले बांधेर राख’ जस्ता गीतहरुको कभर पछि एलिना चर्चाको शिखरमा छिन् । ‘तिम्रो खुशीमा’ एलिनाको पहिलो म्यूजिक भिडियो हो ।

‘तिम्रो खुशीमा’ का गीतकार तथा संगीतकार नृपेश उप्रेती हुन् भने संगीत संयोजन पुरुषोत्तम सुवेदीले गरेका हुन् । बेलायतमा बसेर गीत गजल लेखनमा लामो समय देखि सक्रिय उप्रेती आफ्नै शब्दमा कहिलेकाहीं संगीत भर्ने पनि गर्छन् । यसअघि उनीद्वारा संगीतवद्व ‘बरिलै’ बोलको गीत निकै मन पराइएको थियो जसलाई ‘नेपाल आइडल- २’ का सहभागी गायक कृशल कंडेल र मीनराज पौडेलले गाएका थिए ।
खुशी इन्टरटेनमेन्टको प्रस्तुति ‘तिम्रो खुशीमा’ को भिडियो शक्ति प्रज्वल घिमिरेले निर्देशन गरेका हुन् । शक्ति प्रज्वल भिडियो सम्पादनको क्षेत्रमा सक्रिय र स्थापित नाम हो । ‘तिम्रो खुशीमा’ को म्यूजिक भिडियोमा नायिका रिचा थापा र मोडल सुदिप न्यौपाने रोमान्टिक भूमिकामा देखिएका छन् । नायिका रिचाको पहिलो चलचित्र ‘लव यू हमेसा’ यतिबेला रिलिजको तयारीमा छ भने सुदिप टिकटक स्टार हुन् । कथानक पक्षलाई विशेष जोड दिइएको यस भिडियोमा अस्मिता बिक र मोहन आचार्यलाई पनि महत्त्वपूर्ण भूमिकामा देख्न सकिन्छ ।

स्वयं निर्देशक शक्ति प्रज्वलले ‘तिम्रो खुशीमा’ को सम्पादन कलरिङ गरेका छन् भने यसमा छायांकन नमराज घिमिरे र नृत्य निर्देशन प्रबिन थापाको छ । ‘तिम्रो खुशीमा’ को म्यूजिक भिडियो हवाइट मिडिया प्रालिले निर्माण गरेको हो ।

प्रतिक्रिया

सम्बन्धित सामाग्री

फेसबुक