बिहीबार, असोज २ २०७६ | Thu, September 19, 2019
नेपालको समय: १२:२० | UK Time: 07:35

बार्सिलोनामा मनाइयो तीज

भोला लामिछाने
२०७६ भदौ १७ गते २२:४०

बार्सिलोना । नेपाली नारीहरुको महान पर्व हरितालिका तीज 
बार्सिलोनामा पनि भव्य रूपमा मनाइएको छ । प्रवासी नेपाली एकता मञ्च स्पेनको आयोजनामा कार्यक्रम गरिएको हो ।

मञ्चले बार्सिलोनामा हरेक वर्ष मनाउंदै आएको तीज धमाका यसपाली तत्कालिन नेपाली जन प्रगतिशील मञ्च स्पेन र प्रवासी नेपाली मञ्च स्पेन मिलेर बनेको प्रवासी नेपाली एकता मञ्च स्पेनले कार्यक्रम गरेको हो । प्रवासमा रहेका नेपाली दिदीबहिनीहरु एकापसमा परिचय, घुलमिल हुंदै दर खाएर रमाइलोसंग मनाए तीज ।

एनआरएनए स्पेन आइसीसी सदस्य शितल भुर्तेल भुषाल प्रमुख अतिथी रहेको उक्त कार्यक्रम सञ्चालन महासचिव अशोक किरण न्यौपानेले गरेका थिए भने एकता मञ्चका संयोजक हेम शेर्पाले अध्यक्षता गरे ।

कार्यक्रममा स्पेनस्थित नेपाली संघ संस्थाका प्रतिनिधि लगायत दिदीबहिनीहरुको उत्साहजनक उपस्थिति थियो । कार्यक्रममा म्याड्रिडबाट निवर्तमान अध्यक्ष उत्रर राई लगायत अतिथीले तीजको शुभकामना दिए ।

दर खांदै सांझ ७ बजेपछि सञ्चालन गरिएको कार्यक्रममा नेपालबाट आएका लोक दोहोरी गायक तारापती सुवेदी र गायिका लक्ष्मी नेपालीले भरपुर मनोरञ्जन दिए । लक्ष्मी स्टेजमा आफ्नो तीज गीतमा नृत्य गर्दा सबै दिदीबहिनी पनि संगै नाचे ।

स्पेनमा हुने अधिकांश कार्यक्रम दर्शकबिहीन हुने भएपनि यस तीज कार्यक्रममा भने हल भरिभराउ थियो ।

प्रतिक्रिया

सम्बन्धित सामाग्री

फेसबुक