बिहीबार, मंसिर ५ २०७६ | Thu, November 21, 2019
नेपालको समय: १३:३५ | UK Time: 07:50

पर्दा पछाडिकी नायिका जो सदस्यको उम्मेदवार छिन् !

विनेपाली
२०७६ भदौ २४ गते २१:३९

Photo Milan Tamu/Gurkha Media

लन्डन । एनआरएनए यूकेको यही शनिबार हुन लागेको निर्वाचनले कस्तो नेतृत्व चुन्ला भन्नेबारे आममानिसको चासो हवात्तै बढेको छ । १३ हजार ६ सय बढि मतदाता भएकाले पनि यसपटकको निर्वाचन थप रोचक र प्रतिष्पर्धात्मक बन्ने भएको हो । आसन्न निर्वाचनमा केही सक्षम उम्मेदवारहरु पनि मैदानमा छन् र ति मध्ये एक हुन् कोपिला सुब्बा ।

कोपिला अहिले केवल सदस्यको उम्मेदवार हुन् । तर, एनआरएन अभियान र सामाजिक कार्यमा सक्रियता हेर्दा उनले अझ उच्च जिम्मेवारी ‘डिजर्भ’ गर्ने अभियन्ताहरु बताउंछन् । ‘कोपिला जस्ता कर्मशील, निडर र जुझारु महिला अभियन्ता एनआरएनए यूकेलाई एकदम खांचो छ’, एक अभियन्ता भन्छन्, ‘सूर्य गुरुङको पालामै सदस्य भइसकेकी कोपिला पदको लोभभन्दा काम गर्ने भावनाले यसपटक फेरि अगाडि सरेकी हुन् । नत्र उनले ठूलै पद ताक्नुपर्ने, त्यसकारण हामी सबैले उनलाई साथ दिनुपर्छ ।’

‘मिडिया पब्लिसिटी’ बाट टाढै रहेकी उनले अहिलेसम्म न सस्तो चुनावी अभियान अंगालिन्, न कसैप्रति आक्षेप र टिकाटिप्पणी गरेर आफूमात्र राम्रो 
भनिन् । ‘समावेशी, सक्षम व्यक्तिहरुको कार्यसमिति बनाउने हाम्रो इच्छा हो’, कोपिला भन्छिन्, ‘संस्था र समाजका लागि राम्रो हुन्छ भने मैले व्यक्तिगत स्वार्थ हेर्नु हुन्न भनेर सदस्यमा उम्मेदवारी दिएकी हुं । आशा छ सबैको समर्थन प्राप्त हुनेछ ।’

स्वीन्डन समाज, किरात याक्थुङ चुम्लुङ यूके लगायत संघसंस्थामा रहेर उनले धेरै प्रभावकारी काम गरिसकेकी छन् । मार्केटिङ कम्युनिकेशनमा स्नातकोत्तर उत्तिर्ण उनलाई बौद्धिक र राजनीतिक चेत भएको महिला पनि मानिन्छ ।

सन् २००७ देखि बेलायत बस्दै आएकी उनी नेपाली समुदायसंग निकट छन् । उनले आउंदो शनिबार मतदान गरेर आफूलाई जिताइदिन अपिल गरेकी छन् ।

प्रतिक्रिया

सम्बन्धित सामाग्री

फेसबुक