आइतबार, मंसिर १ २०७६ | Sun, November 17, 2019
नेपालको समय: २१:१६ | UK Time: 15:31

लण्डनमा पहिलो एनएलसीसी टेनिस टुर्नामेन्ट

विनेपाली
२०७६ असोज १३ गते २३:५६

लन्डन — बर्न्टओकस्थित नेपाली भाषा तथा सांस्कृतिक केन्द्र (एनएलसीसी) को आयोजनामा पहिलो एनएलसीसी टेनिस टुर्नामेन्ट आयोजना गरिएको छ । गएको ३ वर्ष देखि बर्न्टओकमा नेपाली बालबालिकाका लागि नेपाली भाषा कक्षा संचालन गर्दै आएको केन्द्रले पहिलो पटक एनएलसीसी टेनिस टुर्नामेन्ट आयोजना गरेको हो ।

गत शनिवार मिलहिल स्कुलमा आयोजित टुर्नामेन्टमा १८ जना खेलाडीले भाग लिएका थिए । प्रतिस्पर्धामा सिंगल्सतर्फ कृष्ण थापा विजयी बने भने राजन फुयाल रनर अप भए । त्यस्तै डबल्सतर्फ आरबी राई तथा हिमांशु ज्ञवाली विजेता भए भने माधव पराजुली र गौरव बराल रनर अप भए । यसै गरी देवेन्द्र गुरुङले ‘प्लेयर अफ दि म्याच’ को उपाधि जितेका थिए ।