बुधबार, मंसिर ४ २०७६ | Wed, November 20, 2019
नेपालको समय: १०:३१ | UK Time: 04:46

पर्यटन मन्त्री लन्डनमा

विनेपाली
२०७६ कार्तिक १६ गते १४:५२


लन्डन । संस्कृति, पर्यटन तथा नागरिक उड्यनमन्त्री योगेश भट्टराई लन्डन उत्रिएका छन् । मन्त्री भट्टराई आगामी नोभेम्बर ४ देखि ७ सम्म लण्डनको एक्सेल एक्जिबिसन सेन्टरमा हुने ‘वल्ड ट्राभल मार्ट’ मा सहभागी हुन लन्डन उत्रिएका हुन् ।

मन्त्री भट्टराईको बेलायत भ्रमणले नेपाल सरकारले तय गरेको ‘भिजिट नेपाल २०२०’ मा उल्लेख्य पर्यटक नेपाल जान प्रेरित गर्ने अपेक्षा गरिएको छ । अहिले नेपाल भ्रमण गर्ने बेलायती पर्यटक संख्या वार्षिक ६० हजार बढि छ । तर, भ्रमण वर्षका बेला त्यो संख्या कम्तीमा एक लाख पुरयाउने राजदूत डा. दुर्गाबहादुर सुवेदीको अठोट छ ।

मन्त्रीलाई स्वागत गर्न बेलायतका लागि नेपाली राजदूत डा. दुर्गाबहादुर सुवेदी, उपनियोग प्रमुख शरदराज आरण, पूर्व प्रवासी नेपाली मञ्च यूकेका अध्यक्ष राजेन्द्र पुडासैनीलगायत नेकपाका नेताहरु हिथ्रो विमानस्थल पुगेका थिए । मन्त्री भट्टराईसहित मन्त्रालयका सहसचिव घनश्याम उपाध्याय, पर्यटन बोर्डका कार्यकारी अध्यक्ष दिपक जोशी, अधिकृत लक्ष्मण गौतम लगायतको टोली पनि लन्डन आइपुगेको छ ।

करिब साता लामो बेलायत भ्रमणका क्रममा मन्त्री भट्टराई नेपाली दूतावास लण्डनले आगामी मंगलबार दूतावासमा गर्ने स्वागत कार्यक्रममा सहभागी हुने कार्यक्रम छ । दूतावासको कार्यक्रम नेपाल भ्रमण वर्ष अभियानमा केन्द्रित हुनेछ ।

लन्डन बसाईका क्रममा मन्त्री भट्टराई नेकपा बेलायतले गर्ने स्वागत कार्यक्रम तथा एनआरएनए यूकेले गर्ने अन्तरक्रियामा समेत सहभागी हुनेछन् ।

तस्विर- शिव भण्डारी

प्रतिक्रिया

सम्बन्धित सामाग्री

फेसबुक