आइतबार, मंसिर २२ २०७६ | Sun, December 08, 2019
नेपालको समय: ०१:२३ | UK Time: 19:38

प्रवासी नेपाली एकता मंच यूकेले पर्यटक भित्रयाउन सरकारलाई सघाउने

विनेपाली
२०७६ कार्तिक १९ गते १६:२७


लण्डन । नेकपा निकट प्रवासी नेपाली एकता मंच यूकेका नेताहरुले भिजिट नेपाल २०२० मा सरकारलाई सघाउने भएका छन् ।

संयुक्त अधिराज्य बेलायतमा रहेका संस्कृति तथा पर्यटनमन्त्री योगेश भट्टराईलाई स्वागत गर्दै उनीहरुले सरकारले अघि सारेको महत्वकाक्षी योजनामा सघाउने भएका हुन् । ‘बेलायतका नेपाली साथीहरुले यहाँस्थित बेलायतीलाई नेपाल पठाउने र अन्य खाले सहयोग गरेर सरकारको योजनामा सघाउने छौं’-पूर्व प्रवासी नेपाली मंच यूकेका अध्यक्ष राजेन्द्र पुडासैनीले भने ।

मन्त्री भट्टराई नोभेम्बर ४ देखि ७ सम्म लण्डनको एक्सेल एक्जिबिसन सेन्टरमा हुने ‘वल्ड ट्राभल मार्ट’ मा सहभागी हुन लन्डनमा छन् ।

सोमबार ह्यारोमा मन्त्री भट्टराईलाई स्वागत गर्न प्रवासी नेपाली मंच यूके अध्यक्ष राजेन्द्र पुडासैनी, जनप्रगतिशील नेपाली मंच यूकेका अध्यक्ष सुरेश गौतम, प्रवासी नेपाली मंच यूकेका संस्थापक अध्यक्ष आङ कल्जङ लामा, पूर्व अध्यक्ष दिनेश घिमिरे, भक्त गुरुङ, धन क्षेत्री, सरस्वती केसी, कुमार केसी, दिपक श्रेष्ठ, प्रतिमा केसी, विजय लिम्बु, दिलीप महासेठ, जीत रानाभाट, कृष्ण तिवारी, सुन्दर खतिवडालगायतको उपस्थिति थियो ।

गत शनिवार पर्यटनमन्त्री भट्टराईलाई बेलायतस्थित नेकपाका नेताहरुले हिथ्रो विमानस्थलमा स्वागत गरेका थिए ।

प्रतिक्रिया

सम्बन्धित सामाग्री

फेसबुक