मंगलबार, मंसिर २४ २०७६ | Tue, December 10, 2019
नेपालको समय: ०६:३१ | UK Time: 00:46

‘वेल्कम टु लण्डन’ अनुष्का

विनेपाली
२०७६ मंसिर ५ गते २:३५
miss nepal anuska

हिथ्रो विमानस्थलमा अनुष्का । तस्बिर- शंकर श्रेष्ठ

लण्डन । मिस नेपाल-२०१९ अनुष्का श्रेष्ठ बुधवार राती लण्डन उत्रिएकी छन् । डिसेम्बर १४ तारिख लण्डनमा हुने ‘६९ औं मिस वर्ल्ड  प्रतियोगिता’ मा भाग लिन अनुष्का लण्डन आएकी हुन् ।

उनी राती ९.४० बजे हिथ्रो विमानस्थल टर्मिनल २ मा उत्रिएपछि आफू तीन साताको ‘ट्रेनिङ’ मा व्यस्त रहने बताइन् । एक्सेल लण्डनमा हुने प्रतिस्पर्धामा सहभागी हुन १२५ देशका सुन्दरीहरु लण्डन आउने क्रम शुरु भएको छ ।  

प्रतियोगीहरुले टप ३० मा छानिन फास्ट ट्रयाक विभिन्न विधामा प्रतिस्पर्धा गर्नेछन् । जसमध्ये मल्टिमिडिया, स्पोर्टस, ट्यालेन्ट, टप मोडल, ‘हेड टु हेड च्यालेन्ज’ र ‘ब्यूटी वीथ अ पर्पोज’ छन् ।

अनुष्काले मल्टिमिडिया अवार्डबाट धेरै आशा राखेकी छन् । उनले उक्त अवार्डमा जिताउन सबै नेपालीसँग अपिल गरेकी छन् । अवार्ड जित्न धेरै लाइक आवश्यक पर्छ, जसका लागि MOBSTAR एप्स डाउनलोड गर्नुपर्नेछ । एप्स डाउनलोड गरिसकेपछि अनुष्का श्रेष्ठ सर्च गरि लाइक गर्न सकिनेछ । एक लाइक एक भोटको रुपमा गणना हुनेछ ।

प्रतिक्रिया

सम्बन्धित सामाग्री

फेसबुक