मंगलबार, मंसिर २४ २०७६ | Tue, December 10, 2019
नेपालको समय: ०५:१८ | UK Time: 23:33

एनआरएनए पोर्तुगलको बिज्ञप्तिप्रति पत्रकारहरुद्वारा आपत्ति !

विनेपाली
२०७६ मंसिर १२ गते २१:४०

पोर्तुगल । पोर्तुगलमा सक्रिय मिडियाका सम्पादक, नेपाल पत्रकार महासंघको प्रस्तावित पोर्तुगल शाखा लगायतले रासस पोर्चुगल सम्वाददाता भगवान गिरीले सम्प्रेशित गरि प्रकाशित समाचारको अनावश्यकरूपमा खण्डन गरेको र समाचारको वास्तविकता बंग्याएको भन्दै एनआरएनए पोर्तुगलप्रति आपत्ति जनाएका छन् ।

समाचारको भावर्थ नबुझी शीर्षक पढेर खण्डन गरिएकोप्रति पत्रकारहरुले प्रश्न उठाएका हुन् ।

‘एनआरएनएको आफ्नै बक्तब्यमा पोर्तुगलको सडकमा नेपाली दुर्ब्यसनी बढेको, तिनीहरुको बास सडकमा हुने गरेको र सबैको सहयोगमा उद्दार गरिएको स्पष्ट स्वीकारोक्ति हुँदाहुँदै त्यही समाचार कसरी गलत भयो ? के अब यो समाचार पछि पोर्तुगलमा यस्ता खालका सबै समस्याहरु निराकरण भएका हुन् ? अब यो सवाल पोर्तुगलमा सधैंकालागि हल भएको हो ?’ उनीहरुको चेतावनी छ- ‘अब यस्तो समस्या देखापरे समस्या नै नभएको भनेर वक्तव्य निकाल्नेहरुले समाधान गर्नुपर्नेमा पत्रकारहरु एकमत छन् ।’ 

समस्या, विकृति, विसंगति उजागर गर्न पोर्तुगलका नेपाली पत्रकारहरुले जस्तोसुकै परिस्थितिमा कलम चलाउन नछाड्ने र पोर्तुगलका मिडियाकर्मीहरुको एकता र एक्यवद्धता निरन्तर रहने प्रतिवद्दता उनीहरुले जनाएका छन् ।

हेर्नुहोस् पत्रकारहरुको बिज्ञप्ति जस्ताको तस्तै-

प्रतिक्रिया

सम्बन्धित सामाग्री

फेसबुक