संविधानका लागि बाटैमा सुते महिला

काठमाडौँ, २२ साउन । महिलामैत्री संविधान निर्माणका लागि आज महिला अधिकारकर्मी तथा नागरिक समाजका व्यक्तिले नयाँ बानेश्वरमा ‘सुतेर दबाब’ दिएका छन् ।

नागरिकतामा ‘आमा वा बुबा’ हुनुपर्नेलगायत माग राख्दै महिला अधिकारकर्मी एक घन्टा नयाँ बानेश्वर बाटामा सुतेका थिए ।

करिब एक हजार जनाको सहभागिता रहेको सो कार्यक्रममा महिलाले ‘आमाका नामबाट नागरिकता दिनुपर्ने’ लगायत नारासमेत लगाएका थिए । महिला अधिकारकर्मी विमला तामाङ र दिप्ती गुरुङले कार्यक्रमलाई सम्बोधन गर्दै आफूहरुको माग पूरा नभएसम्म दबाब कार्यक्रम जारी रहने बताए ।