काठमाडौँ, २३ साउन । संविधानसभाको अपराह्न ३ बजेका लागि तय गरिएको बैठक आज साँझ ६ बजेसम्मका लागि स्थगन गरिएको छ ।
संविधानसभा सचिवालयका सहायक प्रवक्ता सुदर्शन कुइँकेललेसंविधानका विवादित विषयमा कुरा मिलाउन राजनीतिक दलका शीर्ष नेताबीच छलफल जारी रहेकाले बैठक तीन घन्टाका लागि पर सारिएको जानकारी दिए ।
यस्तै आज अपराह्न १ बजेका लागि तय गरिएको संवैधानिक राजनीतिक संवाद तथा सहमति समितिको बैठक अपराह्न ३ बजेका लागि तय गरिएको छ । संविधानका विवादित विषयमा सहमतिका लागि चार प्रमुख राजनीतिक दलका शीर्ष नेताबीच सिंहदरबारमा छलफल जारी छ ।
आज सहमति हुन्छ ः प्रम
प्रमुख राजनीतिक दलको बैठकबाट बाहिरिने क्रममा प्रधानमन्त्री सुशील कोइरालाले आज अबेरसम्म सहमति हुने सङ्क्षिप्त प्रतिक्रिया दिए । प्रधानमन्त्री कोइरालाले भने – “आज सहमति हुन्छ, निराशावादी कुरा नगर्नुस्, सहमतिको विकल्प छैन ।”
