कुमार घँैटेको प्रहरी इन्काउन्टरमा मृत्यु भएपछि शिक्षण अस्पताल महाराजगञ्जमा स्थिती बुझ्न पुगेका कांग्रेस नेता जनदिश नरसिंह केसीलगायत । तस्बिर ः प्रदीपराज वन्त, रासस
काठमाडौँ, ३ भदौ । महानगरीय अपराध महाशाखाले प्रहरीले आत्मरक्षाका लागि गोली चलाउँदा कुमार श्रेष्ठ ‘घैँटे’को मृत्यु भएको जनाएको छ ।
महाशाखाले आज साँझ विज्ञप्ति जारी गर्दै सामाखुसी कपुरधारा बालकुमारी मार्गमा भएको घटना आफ्नो ज्यान जोगाउने क्रममा भएको जनाएको छ ।
महाशाखावाट खटिएको प्रहरी टोलीले भारतीय राजदूतावासबाट कपुरधारातर्फ जाँदै गर्दा विपरीत दिशाबाट पल्सर मोटरसाइकल र स्कुटरमा आएका सात आठ जनाको समूहलाई जाँच गर्न रोक्न खोज्दा नरोकी उत्तरतर्फ लागपछि समूहलाई पिछा गर्दै जाँदा उल्टो प्रहरीलाई गोली चलाउन खोजेपछि गोली चलाएको प्रहरीले बताएको छ ।
प्रहरीले गोली चलाउँदा तीन व्यक्ति घाइते भएपछि उपचारका लागि शिक्षण अस्पताल महाराजगन्जमा पठाइएका उपचारका क्रममा घैंटेको मृत्यु भएको बताएको छ । घाइते राज महर्जन र सुरेन महर्जनको सोही अस्पतालमा उपचार भइरहेको छ ।
घटनामा प्रहरीतर्फ तीन जना घाइते भएका छन् । घाइते प्रहरीको वीर अस्पताल काठमाडौँमा उपचार भइरहेको छ । घटनास्थलबाट प्रहरीले मेड इन इटली लेखिएको पेस्तोल एक थान र चार गोली चार फेला पारेको जनाइएको छ ।
