भूकम्पले भक्तपुर दरवार स्क्वायरका धेरै पुरातात्विक संरचना ध्वस्त बनाइदिएको छ । तस्विरः एपी
भक्तपुर । गत वैशाख १२ गतेको भूकम्पबाट क्षति भएका भक्तपुरका मुख्य सम्पदाहरूको पुनःनिर्माण जर्मन सरकारको सहयोगमा हुने भएको छ ।
जर्मन सरकारको रु एक अर्बको सहयोगमा यहाँका २० सम्पदाको पुनःनिर्माण हुने भएको भक्तपुर नगरपालिकाका कार्यकारी अधिकृत उद्धव रिजालले जानकारी दिए ।
भूकम्पबाट क्षति भएको संरचनाको पुनःनिर्माणका लागि जर्मन सरकारले नेपाल सरकारलाई उपलब्ध गराउने करिब रु चार अर्बमध्ये रु एक अर्ब भक्तपुर नगरपालिकाभित्रको सम्पदा पुनःनिर्माणमा खर्च गरिने भएको हो ।
