काँग्रेस कार्यसमितिको बैठक असोज २० गते बस्ने

काठमाडौँ, १८ असोज । नेपाली काँग्रेस केन्द्रीय कार्यसमितिको बैठक यही असोज २० गते बुधबार बिहान ८ः३० बजे प्रधानमन्त्री निवास बालुवाटारमा बस्ने भएको छ ।

सो बैठकमा केन्द्रीय कार्यसमितिका पदाधिकारी तथा सदस्यलाई उपस्थितिका लागि अनुरोध गरिएको पार्टीका मुख्य सचिव ऋषिकेश तिवारीद्वारा आज यहाँ जारी विज्ञप्तिमा जनाइएको छ ।

बैठकमा संविधान जारी भएपछिको अवस्था, तराई मधेसको आन्दोलन, पार्टीको १३आँै महाधिवेशन, नयाँ सरकारको गठन लगायतका विषयमा छलफल हुने बताइएको छ ।