म्यानमारमा सुकीको दल विजयोन्मुख

याङ्गुन, २४ कात्तिक । म्यानमारमा यही नोभेम्बर ८ मा सम्पन्न आमनिर्वाचनको परिणाम अनुसार सत्ताधारी दलले प्रतिपक्षी आङ सान सुकीको दलसँग पूर्णरुपमा पराजय भोग्नुपर्ने अवस्था देखिएको समाचार छ ।

म्यानमारमा सत्तारुढ दलका एक वरिष्ठ सदस्यले मङ्गलबार सो जानकारी दिएका छन् । अहिलेसम्म गणना भएको मत अनुसार सुकीको दल निकै अगाडि देखिएको छ ।

यस निर्वाचन परिणाममा सुकीको पार्टी नेसनल लिग फर डेमोक्र्यासी (एनएलडी) को अवस्था अत्यन्तै बजबुद देखिएको छ ।

संसदको तल्लो सदनको ५४ सिट घोषणा भएकोमा एनएलडीले नै ४९ स्थानमा विजय हासिल गरेको छ । सत्ताधारी दलको पार्टी युनियन सोलिड्यारिटी एण्ड डिभलपमेन्ट (एनएलडी) भने तीन सिटमा मात्र विजय हासिल गर्न सफल भएको प्राप्त समाचारमा जनाइएको छ ।

एनएलडी वरिष्ठ सदस्यले आफ्नो पार्टीको पूर्ण रुपमा पराजय र एनएलडीको विजय भएको जनाएका छन् ।

त्यसैगरी एनएलडी वरिष्ठ सदस्य सुकी पनि विजयी भएको एएफपीलाई जानकारी दिएका छन् ।
सन् १९९० मा सैनिक शासकले गराएको आमनिर्वाचनमा सुकीले विजय हासिल गरी प्रधानमन्त्रीको पदका लागि निर्वाचित हुनुभएको थियो ।

भए पनि षड्यन्त्रपूर्वक सुकीको दल नेसनल लिग फर डेमोक्र्यासीलाई भने सत्ताको नेतृत्व गर्न दिइएको थिएन ।

तर यस पटक भने आइतबार भएको आमनिवार्चनको अगाडि नै राष्ट्रपति थान सेनले एक टेलिभिजनलाई दिनुभएको अन्तरर्वातामा सत्ताधारी दल अर्थात सेनाले निर्वाचनको परिणामलाई स्विकार्ने बताउनु भएको छ ।