ह्याटन गार्डेनको चोरी बेलायती इतिहासकै ठूलो

लन्डन । लन्डनको ह्याटन गार्डेनस्थित गरगहना पसलमा इस्टर साताको अन्त्यतिर भएको चोरी बेलायतको कानुनी इतिहासमै सबैभन्दा ठूलो भएको यहाँका सरकारी वकिलले बताएका छन् ।

उक्त घटनामा करिब १ करोड ४० लाख पाउन्ड (दुई करोड १० लाख अमेरिकी डलर) बराबरको चोरी भएको थियो ।

चोरले अत्याधुनिक तरिकाले गहना भण्डारण गरिएको पसलका भित्ता खोपेर ७३ वटा गहना राख्ने बाकस चोरेको यहाँका वकिलले सोमबार बताएका हुन् ।

यसै आरोपमा सुरक्षा नियन्त्रणमा लिइएका चार जना चोरका नाइकेले आफ्नो अपराधलाई स्वीकार गर्दै घटनाको जिम्मा लिएको बताइएको छ ।
चोरी आरोपमा पक्राउ परेका चार जना अन्यको मुद्दाका बारेमा उलविच क्राउन कोर्टमा सुनुवाई भइरहेको छ ।  गहना पसलमा भएको चोरीको बेलायतभरीका सञ्चारमाध्यमले व्यापक कभरेज गरेका थिए ।