रेडिङ नेपलिज साेसाइटीले धादिङकाे उमाविलाई साढे १३ हजार पाउण्ड सहयाेग गर्ने

लण्डन । बेलायतकाे रेडिङमा बसाेबास गर्ने नेपालीहरूकाे सामुदायिक संस्था ग्रेटर रेडिङ नेपिलज कम्युनिटी एसाेसिएसनले धादिङकाे उच्च माविलाई साढे १३ हजार पाउण्ड सहयाेग गर्ने भएकाे छ ।

समाजले नेपालकाे शिक्षा क्षेत्रमा लगानी गर्ने निर्णय गरे बमाेजम धादिङकाे अचने उच्च माध्यमिक विद्यालयलाई साे सहयाेग गर्न लागिएकाे समाजले जनाएकाे छ ।

समाजले १३ हजार ४८८ पाउण्ड सहयाेग गर्न लागेकाे हाे ।

साे रकम शुक्रबार नेपालका शिक्षा मन्त्री गिरिराजमणि पाेखरेलकाे उपस्थितिमा एक कार्यक्रम गरी हस्तान्तरण गरिने बताइएकाे छ ।

रकम हस्तान्तरणका लागि समाजका सल्लाहाकार किष्ण बहादुर गुरूङ अचने पुगिसकेका छन् ।