विभिन्न दलका नेताद्वारा तमु ल्होछारको शुभकामना

काठमाडौँ, १४ पुस । नेपाली काँग्रेसका सभापति एवम् पूर्वप्रधानमन्त्री सुशील कोइरालाले आज एक विज्ञप्तिमा जारी गरी पुस १५ गते बुधवार गुरुङ समुदायको पर्व ‘तमु ल्होछार’ २०७२ को उपलक्ष्यमा स्वदेश र विदेशमा छरिएर रहेका समस्त गुरुङ दाजुभाइ दिदीबहिनीमा सुख, शान्ति र समृद्धिको शुभकामना व्यक्त व्यक्त गर्नुभएको छ ।

आजै, काँग्रेसका बरिष्ठ नेता एवम् पूर्वप्रधानमन्त्री शेरबहादुर देउवाले पनि एक विज्ञप्तिमा गुरुङ समुदायको पर्व ‘तमु ल्होछार’ २०७२ को उपलक्ष्यमा स्वदेश र विदेशमा छरिएर रहेका समस्त गुरुङ दाजुभाइ दिदीबहिनीमा सुख, शान्ति र समृद्धिको शुभकामना व्यक्त व्यक्त गर्नुभएको छ ।

यसैगरी, काँग्रेसका उपसभापति रामचन्द्र पौडेल, नेत्री सुजाता कोइराला, तथा सङ्घीय समाजवादी फोरम नेपालका अध्यक्ष उपेन्द्र यादवले पनि आफ्नो सन्देशमा तमु ल्होसारको उपलक्ष्यमा देश विदेशमा रहनुभएका समस्त गुरुङ दाजुभाइ तथा दिदीबहिनीमा सुख, शान्ति र प्रगतिको हार्दिक मङ्गलमय शुभकामना व्यक्त गर्नुभएको छ ।