काठमाडौँ, १७ पुस । पश्चिमा संस्कृतिको प्रभावमा युवा पुस्ताले अङ्ग्रेजी नयाँ वर्षलाई भव्य रुपमा मनाइरहँदा तिनै युवा पुस्तालाई नेपाली पहिचान र संस्कृतिबारे सचेतना जगाउन अभियानै सुरु गरिएको छ ।
राष्ट्रियताप्रति चासो राख्ने केही समूहले विगत चार वर्षदेखि राष्ट्रिय टोपी दिवस मनाउँदै आएका छन् ।
‘नेपाली बनौँ, नेपालीपनमै रमाऔँ’ भन्ने मूलनाराका साथ आज वसन्तपुरमा ‘राष्ट्रिय टोपी दिवस’ मनाइएको हो ।
अङ्ग्रेजी नयाँ वर्षलाई नेपालीले उत्सवका रुपमा मनाइरहँदा ‘हाम्रो राष्ट्रिय पहिचान टोपीलाई नभुलौँ’ भन्ने कुराको सचेतनास्वरुप कार्यक्रम आयोजना गरिएको आयोजक तेजेन्द्र श्रेष्ठले बताउनुभयो ।
कुनै औपचारिक तडकभडकका रुपमा नभई सामान्य तुल राखेर टोपी लगाएको तस्बिर खिचेर दिवस मनाइएको छ । कार्यक्रममा उपस्थित सर्वसाधारणले टोपी लगाएर तस्बिर खिचाएका थिए ।
पश्चिमा संस्कृतिले पेल्दै गइरहेको सन्दर्भमा ‘आफ्नोपनप्रति गर्व गरौँ, नेपाली उत्पादनको प्रवद्र्धन गरौँ’ भन्ने युवामा सन्देश प्रवाह गर्ने उद्देश्यले टोपी दिवस मनाइएको फोटो पत्रकार जनार्दन अर्यालले बताउनुभयो ।
केही व्यावसायिक फोटो पत्रकारहरुले वसन्तपुरमा जम्मा भएर हरेक अङ्गे्रजी नयाँ वर्षका दिन टोपी दिवस मनाउँदै आएका छन् । राष्ट्रिय पोसाकका साथमा टोपी लगाएर तस्बिर खिच्ने तथा साथीभाइ जम्मा भएर चियापान गर्ने गरिन्छ ।
पूर्वसभामुख दमन ढुङ्गानाको निधन
नेपालमा स्थानीय तह निर्वाचन : ४२ पदका लागि ४ सयभन्दा बढी उम्मेदवारको मनोनयन दर्ता
किरात राई यायोक्खा रसमूरमा नयाँ कार्यसमिति चयन, अध्यक्षमा खड्क राई
बेलायतका नयाँ नेपाली राजदुतमा चन्द्रकुमार घिमिरे नियुक्त
तामाङ समाज युकेसहित ७ संस्थाद्वारा संकलित रकम ललितपुरका बाढीपीडितलाई हस्तान्तरणकिरात राई यायोक्खा रसमूरमा नयाँ कार्यसमिति चयन, अध्यक्षमा खड्क राई
बेलायतद्वारा जलवायु परिवर्तनका असर घटाउन गरेका प्रतिबद्धताअनुसार सहयोग हुन्छ : विशेष प्रतिनिधि क्याथे
डेङ्गीको उपचारका क्रममा गण्डकी प्रदेशसभा सांसद बिमला गौचनको निधन
बेलायतमा ८० अर्ब पाउन्ड लगानी अनलक गर्न विशाल पेन्सन कोषहरू बनाउँछौं : वित्तमन्त्रीबेलायतका नयाँ नेपाली राजदुतमा चन्द्रकुमार घिमिरे नियुक्त
