लन्डन । पश्चिम नेपालको बागलुङ जिल्लाका दृष्टिविहीनहरुको सहयोगार्थ ब्रिटेनमा चार नेपाली युवाले साइकल दौडमा भाग लिने भएका छन् ।
कृष्णप्रसाद पंगेनी (स्याङजा) , अर्जुन खनाल (स्याङजा), प्रकाश थापा (बुटवल) र शिव न्यौपाने (रुपन्देही) ले यही जुलाई ३१ तारिखका दिन ब्रिटिश हर्ट फाउण्डेशनद्वारा आयोजना गरिन लागेको साइकल दौडमा भाग लिन लागेका हुन् । उनीहरुले उठाएको सहयोग बागलुङका दृष्टिविहीनहरुका लागि सेतो लठ्ठी किन्न र दृष्टिविहीन विद्यार्थीहरुकालागि शैक्षिक तथा खेल सामग्री किन्न उपयोग गरिनेछ ।
दाताहरुले दिएको सबै रकम युकेमा रजिष्टर्ड च्यारिटी हेल्प नेपाल नेटवर्क युके शाखासंगको सहकार्यमा नेपाल पठाइनेछ। यो अभियानमा सघाउन इच्छुक दाताहरुले यो लिङ्कमा गएर अनलाइन डोनेशन गर्न सक्नेछन् ।
“दृष्टि नभएका कारण संसार हेर्नबाट वन्चित दृष्टिविहीनहरुकालागि सेतो लठ्ठी र शैक्षिक सामग्री किन्न थालिएको यो अभियान साह्रै प्रशंसनीय छ। यसमा मन खोलेर सघाउन म सबै नेपाली संघसंस्था र महानुभावहरुलाई आग्रह गर्दछु,” हेल्पनेपाल युकेका अध्यक्ष डा. प्रणब ज्ञवालीले भन्नुभयो। हेल्प नेपालमार्फत उठेको रकम एक पैसा पनि प्रशासनिक काममा खर्च नभै तोकेको उद्देश्यकालागि मात्रै पठाइने भएकाले ढुक्क भएर सहयोग गर्न पनि उहाँले अनुरोध गर्नुभयो।
थप जानकारीकालागि कृष्णप्रसाद शर्मालाई फोन 07415360712 वा इमेल [email protected] मा सम्पर्क गर्न पनि आयोजकहरुले अनुरोध गरेका छन्।
डेङ्गीको उपचारका क्रममा गण्डकी प्रदेशसभा सांसद बिमला गौचनको निधन
सत्तारुढ दलका सांसदलाई एनआरएनए यूके अध्यक्ष गाहामगरको ज्ञापनपत्र
लन्डन बरो अफ ब्रेन्ट काउन्सिल रिमेम्बरेन्स सर्भिसमा तमु समाज युकेको सहभागिता
नेपाली यु–१९ महिला क्रिकेट टोली मलेसियामा हुने विश्वकपमा छनोट
दु:ख लागेमा म रुँदिनँ, गीत गुनगुनाएर आनन्द लिन्छु : गायिका साबित्रा गुरुङ [अन्तर्वार्ता]
