मन्त्रिपरिषद्को प्रवक्तामा सूचना तथा सञ्चारमन्त्री कार्की

काठमाडौँ, २ भदौ । सरकारको प्रवक्तामा सूचना तथा सञ्चारमन्त्री सुरेन्द्रकुमार कार्की चयन हुनुभएको छ । सूचना तथा सञ्चारमन्त्री सरकारको प्रवक्ता तोकिने परम्परा रही आएको छ ।
प्रवक्ताको कार्यभार सम्हालेपछि पहिलो पटक उहाँले आजै बसेको मन्त्रिपरिषद्का निर्णयका बारेमा सञ्चारकर्मीलाई जानकारी गराउनुभएको थियो । नवनियुक्त प्रवक्ता कार्कीले साउन ३० गते सूचना तथा सञ्चारमन्त्रालयको कार्यभार सम्हाल्नुभएको थियो ।
उहाँले भन्नुभयो, “सर्वप्रथम म मन्त्रिपरिषद्को प्रवक्ताको जिम्मेवारी सम्हालेपछि सबै सञ्चारकर्मीलाई अभिनन्दन गर्दछु, मन्त्रिपरिषद्का बैठकका निर्णय यहाँहरुलाई जानकारी गराउने छु ।”