भारतमा रेल दुर्घटनामा कम्तीमा १०० को मृत्यु

नयाँदिल्ली, ५ मङ्सिर । भारतीय उत्तरी राज्य उत्तर प्रदेशमा आइतबार भएको रेल दुर्घटनामा कम्तीमा १०० व्यक्तिको मृत्यु भएको छ । यस दुर्घटनामा अन्य १५० भन्दा बढी घाइते भएका छन् ।

प्रारम्भिक समाचारमा यस घटनामा ६३ जनाको मृत्यु भएको जानकारी दिइएको थियो । तर गम्भीर घाइते व्यक्तिको मृत्यु भएपछि दुभाग्यबस मृतकको सङ्ख्या १०० पुगेको वरिष्ठ प्रहरी अधिकारी दलजित सिंह चौथरीले एएफपी समाचार समितिलाई जानकारी दिनु भएको छ ।

उत्तर प्रदेशको कानपुर सरहसँग पुख्रायान क्षेत्रनजिकै स्थानीय समयानुसार आइतबार बिहान ३ः३० इन्डोर पटना एक्सप्रेस नामक सा रेल दुर्घटना भएको थियो । रेलका करिब १४ वटा डिब्बा पटरीबाट छुट्टिएर दुर्घटना भएको छ । रेल दुर्घटना भएको सो अवस्थामा अधिकांश यात्रुहरु निदाईरहेका थिए ।

दुर्घटनामा परी घाइते भएकाहरुको स्थानीय अस्पतालहरुमा उपचार भईरहेको र धेरैको अवस्था गम्भिर रहेको हुनाले मृतकको सङख्या बढ्नेसमेत प्रहरीको अनुमान छ ।  घटनास्थलमा उद्धारकर्मीहरुले दुर्घटनाग्रस्त रेलमा अड्कीएकाहरुको शव निकाल्ने र रेललाई पनि हटाउने प्रयास गरिरहेका छन् । उद्धारकार्य जारी नै रहेको बताइएको छ ।
भारतीय प्रधानमन्त्री नरेन्द्र मोदीले मृतक प्रति श्रद्धाञ्जली व्यक्त गर्दै रेल मन्त्री सुरेश प्रभुलाई घटनाका बारेमा नजिकबाट नियाल्न आग्रह गर्नु भएको छ ।

भारतीय रेलवे अधिकारी विजय कुमारले रेल दुर्घटनाको कारण अहिलेसम्म प्रष्ट नभएको दिल्लीमा सञ्चारकर्मीहरुलाई बताउनु भयो । उहाँले घटनाका बारेमा अनुसन्धान गर्ने तयारी भईरहेको पनि जानकारी दिनुभयो ।
सन् २०१४ मा उत्तर प्रदेशमा भएको २६ व्यक्तिको मृत्यु भएको छ । गत बर्ष पनि मध्य प्रदेशमा दुई वटा रेल एक आपसमो ठोक्किँदा भएको दुर्घटनामा कम्ती २७ व्यक्तिको मृत्यु भएको थियो ।