नयाँ दिल्ली, १५ मङ्सिर । भारतको सर्वोच्च अदालतले बुधबार सबै सिनेमा देखाउनुअगाडि राष्ट्रिय गान बजाउनै पर्ने र दर्शक पनि उक्त समयमा उभिनै पर्ने निर्णय गरेको छ र यसले नागरिक स्वतन्त्रतामाथि प्रहार भएको भनि आरोप निम्त्याएको छ ।
सर्वोच्च अदालतको समूहले राष्ट्रिय गान बजाउँदा पर्दामा राष्ट्रिय झण्डा देखाइनुपर्ने र दर्शकलाई उभिन लगाइँदा उनीहरूमा राष्ट्रिय भावना जगाउन सकिने उल्लेख गरेको छ । उक्त जानकारी यस मुद्दाका निवेदकतर्फका वकिल अभिनव श्रीवास्तवले दिएका हुन् ।
धेरै स्थानमा सिनेमा प्रदर्शन हुनुअगाडि राष्ट्रिय गान बजाइन्छ र महाराष्ट्र राज्यले मात्र यसलाई बाध्यकारी बनाएको छ । राष्ट्रिय गान बज्दा उभिनुपर्ने कुरा लामो समयसम्म विवादको विषय बनेको छ ।
लाइभल न्युज वेबसाइटमा निर्णयमा न्यायाधीशहरूले राष्ट्रिय गान बज्दा सबैले त्यसलाई सम्मान गर्नु उचित हुने उल्लेख गर्नुभएको बताइएको छ । भारतीय आमसञ्चारले त्यसको अर्थ उक्त समयमा दर्शक उभिनुपर्छ भन्ने लाग्ने जनाएका छन् ।
यस निर्णयले कडा आलोचना निम्त्याएको छ र धेरैले यसले नागरिक स्वतन्त्रता उल्लङ्घन गर्ने बताएका छन् ।
भारतमा सिनेमाअगाडि राष्ट्रिय गान बजाउनुपर्ने वा नपर्ने भन्ने कुरा विवादको विषय बनेको छ र केही उदारवादीले वर्तमान शासनमा रहेको दक्षिणपन्थी सरकारले जनताको स्वतन्त्रता कुल्चन चाहेको भन्ने आरोप लगाएका छन् ।
‘महिला’को परिभाषा मुद्दामा बेलायतको सर्वोच्च अदालतमा सुनुवाइ
बेलायतमा भएको ‘डब्लुएमएसी वेल्स’खुला प्रतियोगितामा राईले स्वर्णसहित दुई पदक
नेपाली चलचित्र ‘कार्साङ’ पुस २६ गते प्रदर्शन हुने, प्रचारप्रसार सुरु
आठ दिनदेखि बेलायतमा बेपत्ता नेपाली विद्यार्थी फेला
चलचित्र ‘काँडेतार’का निर्माता तथा अभिनेता यूकेमा सम्मानितआठ दिनदेखि बेलायतमा बेपत्ता नेपाली विद्यार्थी फेला
बेलायतवासी सञ्चारकर्मी मिलन तमुको नयाँ गीत ‘बिर्सनलाई सकिन नानी’चलचित्र ‘काँडेतार’का निर्माता तथा अभिनेता यूकेमा सम्मानितबेलायतमा एक सातादेखि नेपाली विद्यार्थी बेपत्ता, खोजी गरिदिन अभिभावकको आग्रह
नेपाल धितोपत्र बोर्डले खोल्यो गैरआवासीय नेपालीहरूलाई शेयरमा लगानी गर्ने बाटो
