चीनका राष्ट्रपति सीद्वारा नेतन्याहुलाई शान्तिका लागि पहल गर्न आग्रह

बेइजिङ (चीन), ८ चैत । चीनका राष्ट्रपति सी जिनपिङले इजरायल तथा स्वतन्त्र प्यालेस्टाइनबीच सकेसम्म छिट्टै शान्ति कायम गर्न इजरायली प्रधानमन्त्री बेन्जामिन नेतन्याहुसँगको मङ्गलबारको भेटका क्रममा बताउनुभएको चीनको राज्य सञ्चालित समाचार संस्था सिन्ह्वाले जनाएको छ ।

सबै पक्षको चाहना मध्यपूर्वको शान्ति स्थायित्व र प्रगति भएको र इजरायलले प्यालेस्टिनी–इजरायली विवादलाई ‘दुई देशीय समाधान’ मार्फत् सल्टाउनेछ, चिनियाँ राष्ट्रपति सीलाई उद्धृत गर्दै सिन्ह्वाले जनाएको छ ।

‘सकेसम्म छिट्टै दुई देश इजरायल र प्यालेस्टाइन शान्ति र सहअस्तित्वका साथ अघि बढ्ने छन्’ सीले भन्नुभयो ।

उक्त अवसरमा इजरायली प्रधानमन्त्री नेतन्याहुले इजरायल मध्यपूर्वको मामिलामा महत्वपूर्ण भूमिका खेलेको देख्न आफू इच्छुक रहेको बताउनुभयो ।

इजरायली नेता नेतन्याहुले बृहत् आविस्कारमूलक कार्यमा दुई देशको सहकार्य हुने विश्वास व्यक्त गर्नुभएको थियो ।