मंगोलियन भान्जाले जित्यो एभरेष्ट कप

लन्डन । लन्डनमा सप्ताहन्त आयोजित ‘एभरेष्ट कप’ प्रतियोगिताको पहिलो उपाधि मंगोलियन भान्जाले जितेको छ । १६ युवा टिम सहभागी उक्त प्रतियोगितामा ब्रिगेड ब्वाइज क्लब रनरअप भयो । सहारा यूकेले गरेको ‘९ ए साइड फुटबल प्रतियोगिता’ मा वेष्ट प्लेयर किरण राई र टप स्कोरर सौगात गुरुङ भए ।

फेल्थाम कम्युनिटी कलेज ग्राउण्डमा भएको प्रतियोगिता एनआरएनए युरोप कोअर्डिनेटर कुल आचार्यले उद्घाटन गरेका थिए । एभरेष्ट कप कुल आचार्यले प्रायोजन गरेका हुन् भने आचार्यले प्रतियोगितामा ५ सय पाउण्ड समेत प्रायोजन गरे ।

प्रथम हुने टिमले १७ सय पाउण्ड नगद र ट्रफी प्राप्त गरयो जसको प्रायोजन एभरेष्ट होलसेल डिलरका एबी गुरुङले गरेका थिए भने रनर अप टिमले ७ सय पाउण्ड र ट्रफी पायो जसको प्रायोजन पिपल 
मोर्गेजका सूर्य गुरुङले गरेका थिए । वेष्ट प्लेयरको प्रायोजन गोर्खा बुलियनका प्रशान्त थापाले गरे । विजेता टिम र खेलाडीलाई प्रायोजकहरुले पुरस्कार दिए ।

प्रतियोगिताको संयोजन स्पोर्टस सेक्रेटरी मनोज गुरुङले गरेका थिए भने टिम व्यवस्थापन र कन्ट्रोल उपाध्यक्ष कुमार गुरुङले गरेका थिए ।

कार्यक्रममा सहारा यूकेका अध्यक्ष मिनबहादुर गुरुङ ‘साइंला’ ले प्रायोजक र सबै सहयोगीलाई धन्यवाद दिए । अध्यक्ष गुरुङले प्रतियोगिताबाट बचेको रकम सिन्धुपाल्चोकमा निर्माणाधिन स्कुल बनाउन खर्च गरिने जनाए । उक्त विद्यालय निर्माणका लागि हाल सम्म ८ हजार पाउण्ड संकलन भएको छ ।

प्रतियोगिता हेर्न एनआरएनए आइसीसी सल्लाहकार डमर घले, एनआरएनए यूके संरक्षक सूर्य गुरुङ, तमुधिं यूके अध्यक्ष ज्ञाम गुरुङ, व्यवसायी विराज भट्ट, कृष्ण भट्ट लगायत दर्शकहरुको सहभागिता थियो ।