ग्रेटर रसमोर नेपलिज कम्युनिटीले ‘भिक्टोरिया डे’ मनाउने

लन्डन । ग्रेटर रसमोर नेपलिज कम्युनिटीले आगामी १० जुन २०१७ मा बेलायतकी महारानी एलिजाबेथ द्वितीयको जन्मोत्सवका अवसरमा भिक्टोरिया डे मनाउने भएको छ ।

उक्त कार्यक्रम संयोजकमा रन्जिता मल्ल र सहसंयोजक बीर बलाल छन् ।

कम्युनिटीले स्थानीय काउन्सिल एवं ब्रिटिश समुदायसंग प्रत्यक्ष सहकार्य गरि भिक्टोरिया डे मनाउन लागेको हो । नेपाली समुदायका तर्फबाट नौमती बाजाको रौनक, नेपाली नृत्य, विभिन्न जातजाती, धर्म र संस्कृति झल्कने पहिरनसहित दुईसय भन्दा बढिको परेड रहने कम्युनिटी अध्यक्ष ओम थापाले जनाए ।

कार्यक्रममा बीसीसी यूके, शिव कल्चर एण्ड कम्युनिटी सेन्टर, साइ सेन्टर फानबोरो, क्षेत्री समाज यूके, तमुधिं यूके, मगर संघ यूके, 
किरात सुनुवार सेवा समाज यूके, किरात राइ यायोख्खा, थकाली समाज 
यूके, याक्थुङ चुम्लुङ, गेसो, मद्दत समूह, नया युवा, तमुधिं आमा समूह लगायत संस्थाहरुको उत्साहजनक सहभागिता रहने कम्युनिटी उपाध्यक्ष राम धन राईले बताए ।