लन्डन रेल विस्फोटका अर्का शंकास्पद व्यक्ति पक्राउ

लन्डन, १ असोज (रासस-सिन्ह्वा)- लन्डनमा केही दिनअघि रेलमा भएको आक्रमणका एकजना संकास्पद व्यक्तिलाई पक्राउ गरिएको छ । एकजना युवकलाई शनिबार राति लन्डनमा पक्राउ गरिएको जानकारी प्रहरीले दिएको हो ।

ती व्यक्तिलाई लन्डनको पश्चिमी भाग हाउन्स्लोमा पक्राउ गरिएको प्रहरीले एक विज्ञप्तिमार्फत आइतबार जानकारी गराएको छ ।  यसअघि डोभरबाट पनि एक युवा पक्राउ परेका थिए । लन्डन प्रहरीले रेल हमलामा संलग्नमध्ये चारजनाको खोजी गरिरहेको छ ।

लन्डनको पार्सन्स ग्रिन स्टेशन्समा गएको शुक्रबार सो रेलमाथि हमला गरिएको थियो । उक्त हमलामा परी कम्तीमा ३० जना घाइते भएका थिए ।

लन्डन प्रहरीले सो हमलालाई ‘आतङ्ककारी हमला’ भनेको छ । क्षति सानो भए पनि त्यो आतङ्ककारी हमला नै थियो भन्दै प्रहरीले ती हमलाकारीहरुको खोजी गरिरहेको जनाएको छ ।

लन्डनमा यसअघि पनि आतङ्ककारी हमला हुने गरेको छ । जसका कारण केही मानिसको हताहत पनि भएको छ ।