‘अमेरिका वार्ताका लागि उत्तर कोरियाको सम्पर्कमा’

बेइजिङ, १४ असोज (रासस-एएफपी) – अमेरिकी विदेशमन्त्री रेक्स टिलर्सनले उत्तर कोरिया वार्ताको लागि तयार हुन्छ कि भनेर अमेरिका उत्तर कोरियाको सम्पर्कमा नै रहेको बताउनुभएको छ ।

उहाँले भन्नुभयो– ‘उत्तर कोरिया वार्ताको लागि तयार हुन्छ र आणविक हतियारको घमण्ड त्याग्न सक्छ कि भनेर हामी सम्पर्कमै छौँ र हाम्रो पहिलो सर्त पनि वार्ता नै हो ।’

चीनमा आफूले चिनियाँ अधिकारीहरुसँग वार्ता गरिसकेपछि उहाँले अमेरिका उत्तर कोरियासँग सम्पर्कबिहीन नबनेको र सकेसम्म आफ्नो प्रयास शान्तिपूर्ण वार्ताबाटै समाधान निकाल्नेमा रहेको जानकारी दिनुभयो ।