विरोधका बाबजुद ‘पद्यावत’ को तहल्का, दुई दिनमै ५६ करोड कमाइ

निर्देशक सन्जय लीला भन्सालीको फिल्म ‘पद्यावत’ ले घरेलु बक्स अफिसमा जबरजस्त कमाइ गरेको छ । बिहीबार रिलिज भएको फिल्मले दुई दिनमै ५० करोडको आँकडा पार गरेको छ ।

पहिलो दिन फिल्मले घरेलु बक्स अफिसमा १९ करोड रुपैयाँ कमायो । दोस्रो दिन यसले वम्पर कलेक्सन गर्दै ३२ करोड रुपैयाँ कमाएको छ ।

बुधबार फिल्मको पेड प्रिभ्यु राखिएको थियो, जसको कलेक्सन ५ करोड रुपैयाँ रहेको थियो । यो समेत जोड्दा फिल्मले भारतमा मात्रै ५६ करोड रुपैयाँ कमाइसकेको छ ।

फिल्म चार राज्य राजस्थान, मध्य प्रदेश, गुजरात र गोवामा रिलिज गरिएको छैन् । यसका अलावा युपी, विहार, हरियाणा र पन्जाबसहितका कयौं अन्य सहरहरुमा श्री राजपुत करनी सेनाको प्रदर्शनका कारण कयौं चलिरहेका शोहरु रद्ध गरिएको थियो ।

दोस्रो दिन शुक्रबार फिल्म विरुद्धको माहौल त्यति गरम थिएन । अझ यसले शनिबार र आइतबार बढी कमाइ गर्ने विश्वास गरिएको छ । कतिसम्म भने फिल्मले ४ दिनमै १ सय करोडको आँकडा पार गर्ने अनुमान गरिएको छ ।