लन्डन काठमाडौं सिधा उडानको योजना

लन्डन । लन्डन काठमाडौं सिधा उडान नहुंदा यात्रुहरुले खेप्नु परेको सास्ती अनि बढ्दो खर्च अन्त्य हुने सम्भावना बढेको छ । अबको तीन महिनापछि दुइटा ठूला (वाइड बडी ए ३३०) विमान ल्याउने तयारी गरिरहेको नेपाल वायुसेवा निगमले अमेरिकाको न्युयोर्कसम्म पुग्ने महत्त्वाकांक्षी योजना सार्वजनिक गरेको छ ।

राजधानीमा आयोजित पत्रकार सम्मेलनमा महाप्रबन्धक सुगतरत्न कंसाकारले भने, ‘वाइडबडी ल्याइसकेपछि हाम्रो गन्तव्य लन्डनसम्म हो । लन्डनपछिको अर्को हब न्युयोर्क हुनेछ ।’ पर्यटनका लागि न्युयोर्क नपुगी नहुने सुनाउँदै कंसाकारले थपे, ‘सिड्नी, जापान, कोरिया र युरोपियन सहरमा जानैपर्छ। इथोपियन एयरलाइन्स क्यानडा र अमेरिकाका ३/४ वटा सहरमा जान सक्छ भने हामी किन नसक्नु? हाम्रो भविष्यको योजना यही हो ।’