एनआरएनए यूके मतदान शुरु, स्कटल्याण्डमा ढिलाइ

लन्डन । एनआरएनए यूकेको नयां कार्यसमिति चुन्न मतदान शुरु भएको छ । स्कटल्याण्डबाहेक संयुक्त अधिराज्यको ११ मतदान केन्द्रमा मतदान शुरु भएको हो । स्कटल्याण्डमा मतपत्रसहितका सामाग्री जहाजमा छुटेकाले केही ढिला शुरु हुने निर्वाचन समितिका प्रवक्ता शिवजी श्रेष्ठले जानकारी दिए ।

मतदानका क्रममा सुरक्षा व्यवस्था कडा पारिएको छ । सेक्युरिटी गार्ड, सिसीटिभी र निर्वाचन कार्यक्रमबारे स्थानीय प्रहरीलाई पनि ‘अलर्ट’ गराइएको श्रेष्ठले जनाए ।

निर्वाचनमा भाग लिने सबै मतदाताहरुले अनिवार्य रुपमा फोटो भएको परिचय पत्र (ड्राइभिङ लाइसेन्स, पासपोर्ट वा एनआरएनए युकेको परिचयपत्र आदि) ल्याउनुपर्ने समितिले जनाएको छ । ड्राइभिङ लाइसेन्स नभई अन्य परिचय पत्र भएको हकमा ठेगाना खुल्ने कागज पेश गर्नुपर्नेछ । निर्वाचन बिहान ८ देखि सांझ ८ बजेसम्म हुनेछ ।

निष्पक्ष र शान्तिपूर्ण निर्वाचन गराउने अठोट सहित निर्वाचन समितिले मताधिकार प्रयोग गर्न सबैमा अपिल गरेको छ । यसपटक मतदाता संख्या १३ हजार ६ सय २९ छ ।

पञ्जिकृत सदस्यका हिसाबले ८० देशमा रहेका गैरआवासीय नेपाली संघका शाखामध्ये बेलायत सबैभन्दा ठूलो भएकाले विश्वभरका एनआरएनले यस निर्वाचनलाई चासोका साथ नियालिरहेको छ ।

अध्यक्षमा पुनम गुरुङ र शेरबहादुर सुनारबीच कडा प्रतिष्पर्धा हुने 
आंकलन गरिएको छ । कतिपय अवस्थामा अस्वस्थ्य 
प्रतिष्पर्धाका गतिविधि समेत सतहमा आएको छ । उम्मेदवारभन्दा उनीहरुलाई कांधमा बोकेर हिंड्ने केही राजनीतिक कार्यकर्ता र पत्रकारहरुले सामाजिक विखण्डन ल्याउनेतर्फ अग्रजहरुको चिन्ता बढेको छ ।

Addresses for Polling stations and responsible EC
1. Reading 
EC Member – Maj Retd Krishna Gurung
Address:
1a Cumberland Road { Redcarpet}
RG1 3LB
Berkshire
England