प्रेम

प्रकृतिलाई हेर जताततै झल्कन्छ प्रेम

यहाँ सद्भाव र करुणामा टल्कन्छ प्रेम ।

माया र विश्वासमा टिकेको छ संसार

रिस र घृणामा आगो बनेर सल्कन्छ प्रेम ।

माने सबै आफ्नो हुन्छन् नमाने सबै पराई

सबलाई माया गर त्यहाँ छल्कन्छ प्रेम ।

नि:स्वार्थ भई कसैलाई आफ्नो बनाए

न्यानो र चोखो मायामा सधैं पल्कन्छ प्रेम ।

माया दिएर र लिएर कहिले सकिंदैन्

अथाह छ जति बाँड्यो उति तन्कन्छ प्रेम ।

फागुन २, २०७६ (१४ फेव्रुवरी २०२०)
डार्टफोर्ड, बेलायत ।