कुन खोप कुन चरणमा ?
क) मोडर्ना – अमेरिकी सरकारको सहयोग रहेको यो खोपको मार्चमा आठ जना मानिसमा पहिलो चरणको परीक्षण गरिएको थियो । अहिले दोस्रो चरणमा रहेको यस खोपको परीक्षण जुलाईमा तेस्रो चरणमा प्रवेश गर्ने बताइएको छ । अर्को वर्षको शुरुवातसम्ममा यो खोप तयार हुने योजना बनाइएको छ ।
ख) बायोन्टेक– जर्मन कम्पनी बायोन्टेकले विकास गर्न लागेको यस खोपमा अमेरिकी सरकार, अमेरिकी ओैषधि निर्माता पीफाइजर र चिनियाँ ओैषधि उत्पादक फोसुन फर्माको पनि सहकार्य छ । गत मेमा मानिसमा परीक्षण शुरु गरिएको यो खोप अहिले संयुक्तरुपमा पहिलो र दोस्रो चरणको परीक्षणमा रहेको छ ।
ग)इम्पेरियल कलेज लण्डन – बेलायतको इम्पेरियल कलेज लण्डनले विकास गर्न लागेको खोपको सहकार्य मर्निङसाइड कम्पनीसित रहेको छ । यो खोपको पहिलो र दोस्रो चरणको परीक्षण संयुक्त रुपमा जुन १५ देखि शुरु भएको छ ।
घ) इनोभियो– अमेरीकी कम्पनी इनोभियोको खोपको मुसामा परीक्षण सम्पन्न भएको छ र अहिले मानवमा पहिलो चरणको परीक्षण अमेरिकामा चलिरहेको छ भने दक्षिण कोरियामा छिट्टै शुरु हुने बताइएको छ ।
ङ) क्युरभ्याक – क्युरभ्याकले अहिलेसम्म मानिसमा परीक्षण शुरु गरेको छैन । यो खोप प्रिक्लिनिकल चरणमा रहेको छ ।
च) अक्सफोर्ड विश्वविद्यालय– अक्सफोर्ड विश्वविद्यालय र ओैषधि निर्माता आष्टाजेन्काको सहकार्यमा विकास हुँदै गरेको खोप अहिले दोस्रो र तेस्रो चरणको संयुक्त परीक्षणमा छ । अमेरिकी सरकारको आर्थिक सहयोग प्राप्त यस खोपको परीक्षण इङ्गल्याण्ड, ब्राजिल र अमेरिकामा हुँदैछ । यो खोप अक्टोबरसम्ममा पूरा हुने आशा गरिएको छ ।
ज) क्यानसिनो बायो – चिनियाँ कम्पनी क्यानसिनो बायोलोजिक्सले अक्याडमी अफ मिलिटरी मेडिकल साइन्ससित मिलेर खोपको परीक्षण गरिरहेको छ । यो परीक्षण अहिले दोस्रो चरणमा रहेको बताइन्छ ।
झ) बेथ इजरायल डेकोनेस मेडिकल सेन्टर – बेथ इजरायल डेकोनेस मेडिकल सेन्टर र जोन्सन एण्ड जोन्सनले विकास गरिरहेको खोप अहिले प्रिक्लिनिकल चरणमा रहेको छ । जुलाइमा यस खोपको पहिलो र दोस्रो चरणको संयुक्त परीक्षण गरिने बताइएको छ ।
ञ)म्यासाच्युसेट आइ एण्ड इयर– म्यासाच्युसेट आइ एण्ड इयर अस्पतालले विकास गरेको यस खोपको पहिलो चरणको परीक्षण यस वर्षको अन्त्यसम्ममा गरिने योजना छ । यस खोपको विकासमा स्वीस कम्पनी नोभार्टिससित सहकार्य गरिएको छ ।
ट) मेर्क– अमेरिकी कम्पनी मेर्कले गत मेमा कोरोना भाइरसविरुद्ध खोप बनाउने घोषणा गरेको थियो । अहिले यसको खोप प्रिक्लिनिकल चरणमा रहेको छ ।
ठ)नोभाभ्याक्स– अमेरिकामा रहेको नोभाभ्याक्स कम्पनीले कोरोना भाइरसविरुद्ध बनाउन लागेको खोपको अहिले पहिलो र दोस्रो चरणको परीक्षण भइरहेको छ ।
ड)क्लोभर बायो फार्मस्युटिकल– क्लोभर बायो फार्मस्युटिकल र बेलायती ओैषधि निर्माता जीएसकेले संयुक्तरुपमा विकसित गरेको खोपको अहिले पहिलो चरणको परीक्षण भइरहेको छ ।
ढ) बायोर कलेज अफ मेडिसिन – बायोर कलेज अफ मेडिसिन र टेक्सस चिल्ड्रेन्स हस्पिटलले संयुक्त रुपमा विकास गरेको खोप अहिले प्रिक्लिनिकल चरणमा रहेको छ ।
ण) युनिभर्सिटी अफ पिटर्सवर्ग– युनिभर्सिटी अफ पिटर्सवर्गले विकास गरेको खोपको परीक्षण अहिले प्रिक्लिनिकल चरणमा रहेको छ ।
त) युनिभर्सटी अफ क्वीन्सल्याण्ड– अष्ट्रेलियाको युनिभर्सटी अफ क्वीन्सल्याण्ड, सीएसएल र जीएसके मिलेर विकास गरेको खोप पनि अहिले प्रिक्लिनिकल चरणमा रहेको छ ।
थ) सानोफी– फ्रेन्च कम्पनी सानाफीले बनाएको खोप पनि अहिले प्रिक्लिनिकल चरणमा रहेको छ ।
द)भ्याक्सआर्ट– भ्याक्सआर्टले बनाउन लागेको खोप भने मुखबाट दिइने ट्याबलेट हो । यो खोप अहिले प्रिक्लिनिकल चरणमा छ र २०२० को समरमा पहिलो चरणको परीक्षणमा जाने तयारीमा छ ।
ध) सिनोभ्याक– चिनियाँ कम्पनी सिनोभ्याक बायोटेकले बनाएको खोपको अहिले पहिलो र दोस्रो चरणको परीक्षण चलिरहेको छ । ७४३ जनामा गरिएको सो परीक्षणको सफलतापछि अब तेस्रो चरणको परीक्षण ब्राजिल र चीनमा शुरु गर्न लागेको छ ।
न)सिनोफार्म– चीन सरकारको मातहतमा रहेको ओैषधि निर्माता कम्पनी सिनो फार्मले पहिलो र दोस्रो चरणको संयुक्त परीक्षण अहिले सन्चालन गरिरहेको छ ।
प)चाइनिज अक्याडमी अफ मेडिकल साइन्सेज इन्स्टिच्यूट अफ मेडिकल बायोलोजी -चाइनिज अक्याडमी अफ मेडिकल साइन्सेज इन्स्टिच्यूट अफ मेडिकल बायोलोजीले बनाएको खोपको पहिलो चरणको परीक्षण चलिरहेको छ ।
फ)मुर्डोक चिल्ड्रेन्स रिसर्च इन्स्टिच्युट– मुर्डोक चिल्ड्रेन्स रिसर्च इन्स्टिच्युट अष्ट्रेलियाले यसअघि नै क्षयरोगको लागि बनाइएको खोपले कोरोना विरुद्ध काम गर्न सक्छ कि भनेर परीक्षण गरिरहेको छ । यो परीक्षण अहिले तेस्रो चरणमा चलिरहेको छ ।
यो आलेख न्यूयोर्क टाइम्सबाट अनुवाद गरिएको हो
