बेलायतमा काँग्रेस तात्यो, सदस्यता बितरण सुरु

लन्डन । कांग्रेसको क्रियाशील सदस्य नवीकरण तथा नयाँ सदस्य वितरणका लागि क्षेत्रिय समितिहरु गठन भएका छन ।

पाँचौं अधिवेशनका लागि नेपाली कांग्रेस केन्द्रीय समितिको निर्देशनअनुसार यूकेका ७ क्षेत्रलगायत वेल्स्, स्कटल्यान्ड र नर्दन आयरल्यान्ड गरी जम्मा १० वटा क्षेत्रमा वितरण समिति बनाइएको हो ।

सो क्रियाशील सदस्यले नेपाली जनसम्पर्क समिति यूकेको पाँचौं कार्यसमिति तथा नेपाली कांगे्रसको चौधौ महाधिवेशनका लागि प्रतिनिधि छनोट गर्नेछ ।

माउ पार्टी कांग्रेसको पत्रअनुसार क्रियाशील सदस्यको मापदण्ड तथा शुल्कअनुसार आएका निवेदन फाराम नेपाली जनसम्पर्क समिति यूकेका सभापति युवराज गुरुङले प्रमाणित गरी केन्द्रमा सिफारिस गर्नेछन् । क्रियाशिल सदस्यता नवीकरण गर्नेले ७५ पाउन्ड र नयाँ सदस्यता लिन चाहनेले ३० पाउन्ड रकम बुझाउनुपर्ने छ । सदस्यता फाराम वितरण गर्दा आधा शुल्क सुरुमा धरौटी राख्नुपर्ने केन्द्रको निर्देशन छ । एक व्यक्तिले अधिकतम १० वटा फारम भरेर बुझाउन पाउने छन । पहिलो १० वटा फारामको सबै प्रकृया पूरा गरी बाँकी शुल्कसहित बुझाएपछि मात्र नयाँ फाराम पाउन सकिने समितिले जनाएको छ ।

नेपाली कांग्रेसको क्रियाशील सदस्य छानबिन समितिले अन्तिम नामावली टुंगो लगएपछि नेपाली जनसम्पर्क समिति यूकेको पाँचौं अधिवेशन तथा नेपाली कांग्रेसको चौधौ महाधिवेशन प्रतिनिधि छनोट प्रक्रिया अगाडि बढ्ने सभापति युवराज गुरुङले जानकारी दिए ।

सदस्य वितरण समितिहरु

नर्थ वेस्ट लन्डनबाट

१. रितेश पाण्डे

२. आलेख चौहान

३. विजन भट्ट

४. क्षमता ढकाल

५. सन्तोष गुरुङ

६. बिनोद मोक्तान

७. विज्ञान प्रसाईं

८. हरिभक्त न्यौपाने

९. राजकुमार त्रिपाठी

१०. विकास देवकोटा