लण्डन । अग्ला डुंगा आउँदा-जाँदा माथि जाने र अरु बेला गाडी र मानिसहरु हिँड्ने मिल्ने लण्डनको पहिचान टाबर ब्रिजको सामुन्नेमा रहेको अण्डा आकारको घर । सिटीहल नाम दिइएको यो घरमा धेरैको यसमा ध्यान जान्थ्यो । त्यो थियो विश्वकै एक प्रसिद्ध शहर लण्डनको मेयरको कार्यालय । करिब १ हजार २०० कर्चमारीले काम गर्थे । तर अब यो मेयरको कार्यालय बिनाको बाटुलो घर मात्र रहने भएको छ ।
लण्डनका मेयर सादिक खानले अर्को वर्षको अन्त्यसम्म मात्र सो घरमा लण्डन मेयरको कार्यालय रहने निर्णय गरिसकेका छन् । खर्च कटौतीका लागि उनले लण्डन मेयरको कार्यालयलाई दक्षिण पूर्वी क्षेत्र रोयल डक्समा सार्ने निधोमा पुगेका छन् ।
मेयर खानका अनुसार मेयर कार्यालय अन्यत्र सार्दा आउने पाँच वर्षमा ६१ मिलियन पाउण्ड खर्च कटौती हुनेछ । कोरोनाका कारण आम्दानी कटौती भएपछि मेयरको कार्यालयले यसअघि नै बारुण यन्त्र, प्रहरी र सार्वजनिक सेवाका क्षेत्रमा ५०० मिलियन पाउण्ड भन्दा बढी राशी कटौती गर्नुपरेको छ ।
सिटी हल सन् २००२ मा ४३ मिलियन पाउण्डमा बनाइएको हो । यसको स्वामीत्व कुवेती नागरिकसित छ । जसमा रहेवापत लण्डन मेयर कार्यालयले वार्षिक ९.६ मिलियन पाउण्ड भाडा तिर्नुपर्थ्यो । घरधनीले लण्डन मेयरको कार्यालयलाई दुईपटकसम्म भाडा घटाएर अफर गरे पनि मेयर खानले अस्वीकार गरेको बताइएको छ ।
लण्डनको केन्द्रभागमा रहेको मेयरको कार्यालय नयाँ ठाउँमा सारिएपछि कर्मचारी र पाहुनाहरुलाई भने यातायातको असुविधाका कारण कष्ट हुने देखिन्छ । किनकि नयाँ सिटी हलमा पुग्न कस्टम हाउस र रोयल भिक्टोरिया दुवै स्टेशनबाट पैदल हिँड्नपर्ने हुन्छ ।
मध्यरातमा सूर्य अस्ताउने देश नर्वे -२
आरजीएनएसको कार्यकारी नेतृत्व लिलादेवी गुरुङलाई हस्तान्तरण
आगामी डिसेम्बर महिनाभित्र अधिवेशन गर्ने बुद्ध फाउन्डेसन यूकेको निर्णय
लेबनानमा इजरायली आक्रमण, कम्तीमा ४ सय ९२ को मृत्यु, १६ सय जना घाइते
विदेशमा रहेका युवालाई प्रधानमन्त्री ओलीको आग्रह – नेपालमै अवसर सृजना गर्नु
