कोरोनाविरुद्ध खोप बनाउने वैज्ञानिकको अनौठो जीवनशैली

उनले विश्वभरका कम्पनीहरुसित सहकार्यमा जोड दिए । उनले आफ्नो ध्यान खोप र विज्ञानमा भएको तर प्रख्यात बन्नेमा नभएको बताए । ‘तर कामको मान्यता हुनु राम्रो हो’ उनी भन्छन् ।

यदि बायोएनटेकको खोपले नियामकहरुबाट मान्यता पायो भने साहिनको ख्यातिका साथै दौलत पनि चुलिने छ । उनी अहिले नै जर्मनीको १०० धनीको सूचीमा परिसकेका छन् । उनलाई स्काइ प्रतिनिधिले सोधेका थिए, ‘के तपाई अझै साइकलमै काममा जानुहुन्छ ?’ जवाफमा उनले भने, ‘अवश्य । यो जतिको राम्रो तरिका अरु छैन ।’

तर कार चलाउन उनीसित सवारीचालक अनुमति पत्र पनि त छैन ।

“के प्रसिद्धिले तपाईलाई परिवर्तन गर्ला”  उनलाई सोधियो । उनले भने, “कदापि हुने छैन । म मध्यमवर्गीय परिवारको मान्छे हुँ र सामान्य जीवन जीउनु नै पूर्ण रुपमा राम्रो छ ।”

उनी चारवर्षकै उमेरदेखि जर्मनीमा बसिरहे पनि उनलाई टर्कीस आप्रवासीका बारेमा सोधियो । उनले भने, ” मैले टर्कीस आप्रवासीबाट धेरै शुभकामनाहरु पाइरहेको छु किनकी यो उपलब्धीले उनीहरुलाई पनि गौरव गर्ने बनाएको छ । कारण आप्रवासीलाई श‌ंकाको दृष्टिले पनि हेरिन्छ ।”

“आप्रवासीहरु यस्ता उपलब्धीले उनीहरुप्रतिको हेराइ परिवर्तन गर्न सहयोग पुग्ने ठान्छन्” उनले भने ।

उनी उनले विकास गरेको खोप डिसेम्बरको दोस्रो साताबाट लगाइने आशा गर्छन् ।