फूलका थुँगा फक्र्दै जाँदा आगनै भरिन्छन्।
तिहारको बेला नयन भरी दाजुभाइ झल्किन्छन्।।
जोर कलश लिइ जलमा भरी राख्नेछु ढोकामा।
भर्चुअल टीका लगाइ बसौं यसपटक तिहारमा।।
दाजु र भाइ, दिदि र बहिनी बसेर तिहारमा।
जुवा र तास खेलेको याद आउँछ नि दिलमा।।
रमाइलो हुन्छ झिली र मिली बत्ती नै बालेसी।
तिहारको बेला देउसी र भैलो आँगनमा खेलेसी।।
फूलेका छन् नि मखमली फूल घरका आँगनमा।
मिलेन क्षण लगाइ दिन भाइको गलामा।।
चार कुना छेकी तेलका धारा बगाइ ढोकामा।
रंगीन टीका सजाई मैले चाँदीको थालमा।।
धानका बाला लरि र बरि देखिन्छन् खेतमा।
ओखर फोर्न पाइनँ नि मैले भाइको साथमा।।
नलागोस् रोग, नपरोस् पीर, कहिल्यै कसैमा।
नआउन बाधा, लम्कनु सधै उन्नति पथमा।।
न रोकुन् बाटो कसैले भाइको, काँडाले नघोचोस्।
हँसिलो मुहार नपरोस पीर र शिर नझुकोस्।।
लक्ष्मीपूजा गरे नि मैले औंसीको रातमा।
सुख र शान्ति सधैं मिलोस् सबैलाई जीवनमा।।
बाटो है कुरी नबसे भाइ यसपटक तिहारमा।
आशीर्वाद दिन्छु मैले तिहारको बेलामा।।
खेल्नु है पिङ खानु है सेल बसेर घरैमा।
आशा है गरुम मिल्नेछ भेट्न अर्को साल तिहारमा।।
सेलका रोटी घुमाइ फन्को घरको चुलोमा
कोसेली पात किस्तीमा बोकी मै आउँला माइतमा।।
के रास्वपा पनि रविसँगै सती जाने हो ?
आगामी मार्च महिनाभित्र सम्पूर्ण क्षेत्रीय परिषद्को सम्मेलन सम्पन्न गर्ने एनआरएनएको निर्णय
नेपालका बाढी, पहिरोपीडितलाई सीएनसीबीजी यूकेको ५ लाख सहयोग
तमुधीं यूकेले आगामी डिसेम्बर २८ मा रजत महोत्सव मनाउने, नेपालबाट कलाकार आउने
रेडिङ तमु समाज यूके अध्यक्षमा देवबहादुर र आमा समूह अध्यक्षमा आशा चयन
किरात राई यायोक्खा रसमूरमा नयाँ कार्यसमिति चयन, अध्यक्षमा खड्क राई
बेलायतका नयाँ नेपाली राजदुतमा चन्द्रकुमार घिमिरे नियुक्त
बेलायतद्वारा जलवायु परिवर्तनका असर घटाउन गरेका प्रतिबद्धताअनुसार सहयोग हुन्छ : विशेष प्रतिनिधि क्याथे
डेङ्गीको उपचारका क्रममा गण्डकी प्रदेशसभा सांसद बिमला गौचनको निधन
बेलायतमा ८० अर्ब पाउन्ड लगानी अनलक गर्न विशाल पेन्सन कोषहरू बनाउँछौं : वित्तमन्त्री
