लण्डन । अर्घाखॅाची समाज यूकेको भेला सम्पन्न भएको छ ।
जुम लिन्कद्वारा गरिएको भेलाको अध्यक्षता अर्घाखॅाची समाजका अध्यक्ष बालकृष्ण भुसालले गरेका थिए ।
भेलाले नेपालमा कोरोना महामारी फैलिएसंगै स्वास्थ्य सामग्रीको अभाव भएपछि उत्पन्न समस्याहरुको बारेमा छलफल गरेको थियो ।
समाजले कोभिड पिडितको सहयोगार्थ आर्थिक संकलन सुरु गरिसकेकोले यसलाई व्यापक बनाउने निर्णय गरेको छ । वर्तमान अवस्थामा विदेशमा रहेका नेपालीहरुको सहयोगको ठूलो अर्थ रहने बताउँदै एकजुट भएर आर्थिक संकलनमा लाग्न जोड दिन र सहयोग गर्न समाजका अध्यक्ष भुसालले सबैलाई अनुरोध गरे ।
भेलाले एआरएनए युकेमार्फत नेपाललाई £700 सहयोग पठाउने र बाँकी संकलन गरिएको सबै रकम सीधै अर्घाखॅाची अस्पतालको सहयोगको लागी पठाउने निर्णय गरेको छ ।
बैठकमा डा. उत्तम कक्षपतीले कोरोना भाईरसको बारेमा राम्रोसँग जानकारी गराउनु भएको थियो । उक्त बैठकमा अर्घाखॅाची समाजका सल्लाहकारहरू जीव बेल्वासे, तुङ्ग भुसाल, दामोदर आचार्य, केशव रानालगायतले आफ्ना विचार र सुझावहरू राख्नु भएको थियो ।
समाजका उपाध्यक्ष सुशील गौतम र सचिव हरि पौडेलले पनि आफ्ना भनाइहरू राख्नुभएको थियो ।
भेला सम्पन गर्न रेशम बस्यालले विशेष सहयोग गर्नु भएको थियो ।
