(AP Photo/Frank Augstein, Pool, File)
लण्डन । बेलायती महारानी एलिजावेथ द्वितिया उपचारका लागि अस्पतालमा एक रात बसी निवास फर्कनुभएको छ ।
९५ वर्षीया महारानी स्वास्थ्यमा समस्या आएपछि बुधबार अस्पताल भर्ना हुनुभएको र बिहीबार निवास फर्कनुभएको बताइएको छ तर उहाँको स्वास्थ्य समस्याका बारेमा विस्तृत केही खुलाइएको छैन । उहाँ किङ एडवार्ड सातौँ अस्पताल लण्डनमा भर्ना हुनुभएको थियो ।
राजदरबारका प्रवक्ताले प्रारम्भिक जाँचका लागि उहाँ अस्पताल भर्ना हुनुभएको र अहिले काममा फर्कनुभएको बताएका छन् ।
उहाँले चिकित्सकहरुको सल्लाहका कारण बुधबार मात्र उत्तरी आयरल्याण्डको भ्रमण रद्द गर्नुभएको थियो ।
उहाँ बितेको आठ वर्षमा पहिलोपटक अस्पतालमा रात बिताउनु भएको बताइएको छ ।
