लण्डन । बेलायतले सेभेन्थ पे कमिसनका आधारमा पूर्व गोरखा सैनिकहरुको पेन्सन वृद्धि गरिएकोमा गोरखा भूतपूर्व सैनिक संघ (गेसो)ले दुःख व्यक्त गरेको छ ।
गोरखाहरुले केही प्रतिशत पेन्सन वृद्धिका लागि आन्दोलन गरेको नभई समानता र स्वाभिमानका लागि आन्दोलन गरेको भन्दै गेसोले प्राविधिक समितिले प्रतिवेदनका आधारमा यही डिसेम्बरमा हुने नेपाल र बेलायत सरकारबीचको वार्ताबाट गोरखाहरुको समस्या समाधान गर्न माग गरेको छ ।
गेसोले मंगलबार एक विज्ञप्ति जारी गर्दै नेपाल सरकारसित चाँडोभन्दा चाँडो वार्ता टोली गठन गर्न र प्राविधिक समितिको प्रतिवेदनका आधारमा वार्ता अघि बढाउन माग गरेको छ ।
