लण्डन । गोरखा भूतपूर्व सैनिक संघ (गेसो) का संस्थापक सभापति पदमबहादुर गुरुङले सेप्टेम्बर १९ मा सार्वजनिक गरेको गेसोको नयाँ कार्यसमितिमा नाम उल्लेख भएका ३१ जनाले आफूहरु सो समितिमा नरहेको बताएका छन् ।
गेसोका सभापति कृष्णकुमार राईले आज सार्वजनिक गरेको प्रेस विज्ञप्तिमा उनीहरुले सो कुरा व्यक्त गरेको बताइएको छ । जसमा समितिका उपसभापतिलगायत विभिन्न पद र सल्लाहकारमा नाम सार्वजनिक गरिएका व्यक्तिहरु रहेका छन् ।
सभापति राईले गोरखाहरुको समस्या वार्ताबाटै समाधान हुने भएको र त्यसका लागि सबै गोरखा भूतपूर्व सैनिक संस्थाहरु कार्यगत एकतामा जुटिरहेको अवस्थामा संस्थापक सभापतिले नयाँ कार्यसमिति घोषणा गर्नाले वार्ताको वातावरण बिगार्ने र भूपू सैनिकहरुका बीचमा भ्रम सिर्जना गरेको आरोप लगाएका छन् ।
