लण्डन । बेलायती महारानी एलिजावेथ द्वितीयको मृत्यु बुढ्यौलीका कारण भएको बताइएको छ ।
न्याशनल रेकर्ड अफिस स्कटल्याण्डले जारी गरेको मृत्यु प्रमाणपत्र अनुसार महारानी एलिजावेथको मृत्यु सेप्टेम्बर ८ का दिन दिउँसो ३ बजेर १० मिनेटमा भएको थियो ।
महारानीको पूरा नाम एलिजावेथ अलेक्जान्ड्रा मेरी विन्जर उल्लेख छ ।
महारानी ९६ वर्षको हुनुहुन्थ्यो । उहाँको बालमोराल क्यासल स्कटल्याण्डमा निधन भएको थियो ।
