लण्डन । किरात याक्थुङ चुम्लुङ बेजिङस्टोक शाखाले शनिबार दिवंगत हुनुभएका अन्तिम जीवित गोरखा भिसी रामबहादुर लिम्बूको निधनमा शोक सभाको आयोजना गरेको छ ।
आइतबार आयोजित सो शोकसभा शाखाका कामु अध्यक्ष ज्ञानेन्द्र मेन्याङ्बोको अध्यक्षतामा सम्पन्न भएको थियो । कार्यक्रम केन्द्रीय समितिबाट उपाध्यक्ष अमृता पालुङ्वा सबेनहिम, सहकोषाध्यक्ष नर प्रसाद सबेनहिम र सल्लाहकार बिजय लिङथेप, भिसी लिम्बूकी ठूली नातिनी प्रेणा लिम्बू, उपाध्यक्ष शान्ति लिम्बुले भिसी लिम्बूको तस्वीरमा दीप प्रज्वलन र फूल माल्यार्पण गरे लगत्तै एक मिनेट मौन धारण गर्दै दिवंगत आत्माको चिरशान्तिको कामना तागेरा निवाफुङसंग प्रार्थना गरिएको थियो ।
कार्यक्रममा बेजिङस्टोक नेपाली समाज (बीएनसी) का अध्यक्ष ओम गुरुङ लगायत भिसी लिम्बू परिवारका सदस्यहरु र बयोवृद्ध गोरखा आमाबाबाहरुको पनि उपस्थिति रहेको थियोे ।
कार्यक्रम संचालन सचिव डम्बर केदेम लिम्बुले गरेका थिए । कोषाध्यक्ष शुक्र लिम्बु, सहकोषाध्यक्ष ओम तुम्याहाङ लिम्बू,सदस्य दिलिप लिम्बू,प्रिया लिङथेप,दिपा लिम्बुको पनि कार्यक्रममा उपस्थिति थियो ।
भिसी लिम्बूको जीवनी परिवारको अनुमतिअनुसार नरप्रसाद सबेनहिमले पढेर सुनाउनु भएको थियो ।
