पासा पुच गुथी युकेको वार्षिक वनभोज पार्लियामेन्ट हिलमा

लण्डन । पासा पुच गुथी युकेको वार्षिक वनभोज पार्लियामेन्ट हिलमा आइतबार सम्पन्न भएको छ ।

बेलायतका विभिन्न भागबाट आएका करिब १०० जना सो वनभोजमा सहभागी भएका थिए । वनभोजमा चटपटे, पास्ता, नेवा भोयेका साथै मौलिक नेपाली खाना पस्किइएको थियो ।

लण्डनमा विरलै भटिने घमाइलो दिनमा सहभागीहरुले विभिन्न गतिविधिमा भाग लिएका थिए । जसमा चङ्गा उडानले सबैको ध्यान खिचेको थियो । चम्चा दौड, फसी पा वा (फर्सी फुटाउने खेल), बिङ्गो लगायतका खेल पनि खेलाइएको थियो ।

पिकनिकमा पासा पुच गुथी युकेका अध्यक्ष सुशील प्रजापति, नेपलिज डक्टर्स एसोसिएसनका पूर्व अध्यक्ष रमेश कोजु, गायक योगेश्वर अमात्यको पनि उपस्थिति रहेको थियो ।