काठमाडौं । नेपाल आदिवासी जनजाती पत्रकार महासंघ (फोनिज) को रजत वर्षको अवसरमा पत्रकारहरुलाई सम्मान र पुरस्कार प्रदान गरिएको छ ।
आइतबार काठमाडौंमा आयोजित समारोहमा फोनिज राष्ट्रिय पत्रकारिता सम्मान-२०८१ बाट विजयराज तुलाधर, पुष्पहरि क्याम्पा राई र लौव अग्रासन (थारु) पुरस्कृत हुनुभएक हो । त्यस्तै फोनिज राष्ट्रिय पत्रकारिता पुरस्कारबाट सटेन्द्र जबेगु, विष्णु तामाङ र खिमा गुरुङलाई सम्मान गरिएको छ ।
फोनिज मलेसिया सम्मान २०८१ बाट रेखीराम रानामगर र पुनम महतो चौधरीलाई पुरस्कृत गरिएको छ ।
फोनिज राष्ट्रिय पत्रकारिता सम्मानमा नगद राशी पुरस्कार रु. २५,०००।– (पच्चिस हजार) र फोनिज राष्ट्रिय पत्रकारिता पुरस्कारमा नगद राशि रु. २०,०००।– (बीस हजार) रहेको छ ।
फोनिजले आफ्नो स्थापना दिवस (साउन २७)मा हरेक वर्ष सम्मान तथा पुरस्कार प्रदान गर्दै आएको छ । यस वर्ष फोनिज स्थापनाको २५ वर्ष पूरा गरी २६ वर्ष प्रवेश गरेको अवसरमा स्थापना दिवस तथा रजत वर्ष समारोहमा पुरस्कार तथा सम्मान प्रदान गरेको हो ।
समारोहमा सम्बोधन गर्दै सञ्चार तथा सूचना प्रविधिमन्त्री पृथ्वीसुब्बा गुरुङले संविधानको व्यवस्थालाई आदिवासी जनजातीले प्रयोग गर्न नजानेको बताउनुभयो । कतिपय स्थानमा विशेषाधिकार दिएको भन्दै उनले प्रयोग गर्न आग्रह गर्नुभयो ।अन्य मुलुकको तुलनामा नेपालका आदिवासी जनजातीले अग्राधिकार पाएको भन्दै यसलाई सदुपयोग गर्न पनि उहाँले आग्रह गर्नुुुभयो ।
फोनिजका अध्यक्ष गजुरधन राईले संविधानले नै समावेशी सिद्धान्त अंगीकार गरे पनि आदिवासी जनजाती समुदायका पत्रकारले अझै संघर्ष गर्नुपरेको बताउनुभयो ।
बीसीसी यूकेले ३० डिसेम्बरमा तमू ल्होछार मनाउने, पूजापाठलगायत कार्यक्रम हुने
नेपालका सीमाविद् श्रेष्ठलाई बेलायतमा ७ सय ४५ पाउन्डको ‘रेमण्ड माइलफस्की अवार्ड’
पञ्चासे हर्पनडाँडा समाज यूकेको अध्यक्षमा पुन: देउकाजी गुरुङ
सांसद रवि लामिछाने स्वतः निलम्बनमा : संसद् सचिवालय
राष्ट्रपति पौडेलसमक्ष बेलायतका लागि नेपाली राजदूत घिमिरेको शपथग्रहण
