काठमाडौँ । ज्यान मार्ने उद्योग गरेको अभियोगमा गण्डकी प्रदेशका सांसद तथा पूर्वमन्त्री राजीव गुरुङ (दीपक मनाङे) दोषी ठहर हुनुभएको छ ।
सर्वोच्च अदालतका न्यायाधीश नहकुल सुवेदी र टेकप्रसाद ढुंगानाको संयुक्त इजलासले मंगलबार मनाङेलाई दोषी ठहर गरेको प्रवक्ता अच्युत कुइँकेलले जानकारी दिनुभयो । उच्च अदालत पाटनले मनाङेलाई ज्यान मार्ने उद्योगको मुद्दामा दोषी ठहर गरेको थियो । उच्चको फैसलाविरुद्ध मनाङे निवेदन लिएर सर्वोच्च पुग्नुभएको थियो ।
मनाङेको मागदाबी नपुग्ने फैसला भएको प्रवक्ता कुइँकेलले बताउनुभयो । उच्च अदालतले मनाङेलाई पाँच वर्ष कैद सजाय तोकेको थियो । उहाँ मनाङ प्रदेशसभा-२ बाट २०७४ र २०७९ को चुनावमा स्वतन्त्रबाट निर्वाचित हुनुएको हो ।
